პირველ რიგში, იმის შესახებ, შეიძლება თუ არა ფეხსაცმლის გარეცხვა სარეცხ მანქანაში?
რა თქმა უნდა, ფეხსაცმლის მწარმოებელი ცალსახად გეტყვით, რომ „არა“. ხოლო თეთრი ბოტასებისა და კედების მოყვარულები გიპასუხებენ: „შეიძლება, ოღონდ ფრთხილად“. აი, რა უნდა იცოდეთ, სანამ ფეხსაცმელს სარეცხ მანქანაში გარეცხავთ?
ნაბიჯი 1: ხელით რეცხვა
1. ყურადღებით დაათვალიერეთ ფეხსაცმელი: თუკი მას ნახვრეტები აქვს ან მისი გახევის საფრთხეს შენიშნავთ, უმჯობესია, სარეცხ მანქანაში მისი გარეცხვისგან თავი შეიკავოთ.
2. პირველ რიგში, ხელით და ქაფიანი წყლით გარეცხეთ ფეხსაცმლის ძირები, მოაშორეთ მას ქვები, ნატეხები და მსგავსი ჭუჭყი, რომელიც მის რელიეფშია ჩარჩენილი. შემდეგ კი გაამშრალეთ ტილოთი.
3. ამოაცალეთ ფეხსაცმელს შიდა ლანჩა. მათი გარეცხვაც აუცილებელია, ოღონდ ხელით.
4. შეკარით ფეხსაცმელზე ელვა, თასმა, ფხრიწი და გარეცხეთ ხელით შიდა ლანჩიანად.
ნაბიჯი 2: აუცილებელია რეცხვისთვის განკუთვნილი სპეციალური ტომარა
1. ფეხსაცმელები გარეცხეთ სათითაოდ. ჯერ ერთი ცალი, შემდეგ - მეორე. გარეცხვამდე მოათავსეთ სპეციალურ ტომარაში ან თუნდაც ძველ ბალიშისპირში.
2. კედები, ბოტასები ან ბალეტკები შეგიძლიათ, ჩვეულებრივ ფხვნილში გარეცხოთ, მაგრამ თუკი ტყავის ფეხსაცმელს რეცხავთ, აუცილებლად ისარგებლეთ ტყავის რეცხვისთვის განკუთვნილი სპეციალური საშუალებით. ზამშის ფეხსაცმელი კი სასურველია, საერთოდ არ გარეცხოთ სარეცხ მანქანაში.
3. აირჩიეთ „დელიკატური რეცხვის“ რეჟიმი და აუცილებლად „წურვის" გარეშე.
4. ტემპერატურა - არაუმეტეს 30 გრადუსისა.
ნაბიჯი 3: გაშრობა
1. გაზეთები ყველაზე უსაფრთხო საშუალებაა გასაშრობად. არ ისარგებლოთ ავტომატური გაშრობით - მაღალი ტემპერატურა დააზიანებს წებოს და მოგიწევთ ახალი ფეხსაცმლის შეძენა.
2. ასევე, არ შეიძლება ფეხსაცმლის გამათბობელთან გაშრობა. მიზეზი ამ შემთხვევაშიც იგივეა, რაც პირველ პუნქტში.
3. რა შეიძლება: აკურატულად მოათავსეთ ფეხსაცმელში დაკუჭული გაზეთები (რათა ფეხსაცმელმა ფორმა არ დაკარგოს) და დააწყვეთ აივანზე ან ოთახში გასაშრობად. ხომ გახსოვთ, გამათბობელს მოაშორეთ. გაზეთი ფეხსაცმლის გასაშრობად ყველაზე უსაფრთხო საშუალებაა.
რთული არაფერია. თუკი ფეხსაცმლის რეცხვის წესებს გაითვალისწინებთ, ის კიდევ რამდენიმე სეზონი გაგიძლებთ.
