მწარმოებლები ხილზე მარკირებას არა მხოლოდ იმიტომ აკეთებენ, რომ საკუთარი კომპანიის სახელწოდება მიუთითონ, არამედ იმიტომ, რომ პროდუქტის შესახებ ინფორმაცია მოგვაწოდონ.
თუკი ხილის არჩევისას ბევრ დროს კარგავთ, კარგ გამოსავალს გთავაზობთ - ისწავლეთ ეტიკეტებზე გაკეთებული შიფრების ამოცნობა.
ეტიკეტები ხილზე:
4-ნიშნა კოდი, სადაც პირველი ციფრია 3 ან 4:
თუკი ხილზე 4 ციფრი შენიშნეთ, ეს ნიშნავს, რომ ხილი მაქსიმალურად არის გამოყვანილი აგროტექნოლოგიების გამოყენებით, რომლებიც მოიცავს სასუქებსა და პესტიციდებს.
5-ნიშნა კოდი, სადაც პირველი ციფრია 8:
ასეთი ხილის გამოყვანის დროს ისარგებლეს გენური ინჟინერიით. ყველაზე ხშირად ამგვარ ეტიკეტს უცხოურ გენმოდიფიცირებულ ნესვზე, ბანანზე ან პაპაიაზე შენიშნავთ.
5-ნიშნა კოდი, სადაც პირველი ციფრია 9:
ეს ციფრი მიგვანიშნებს, რომ ხილი მოყვანილია ფერმაში ბუნებრივი გზით. მთავარია - მას არანაირი დამატებები არ აქვს და ეს ხილი ორგანულია!
თუკი ხილზე ეტიკეტი საერთოდ არ არის:
უცხოეთიდან იმპორტირებული ხილი აუცილებლად უნდა იყოს მარკირებული. თუკი სასურველ პროდუქტზე ეტიკეტი ვერ შენიშნეთ, მაგრამ ხვდებით, რომ ის საზღვარგარეთიდან არის შემოტანილი, გამოდის, რომ მას ეტიკეტი მოხსნეს. ამის მიზეზები კი თავად ივარაუდეთ.
იმისთვის, რომ პროდუქტი ნამდვილად სასარგებლო იყოს, შეიძინეთ მხოლოდ სეზონურად. მარწყვი - ზაფხულში, მანდარინი - ზამთარში.
