კოსტიუმის ინსტიტუტის ყოველწლიურ ტრადიციულ წვეულებაზე მასკი და გრაიმსი ერთნაირ ფერებში გამოწყობილები გამოჩნდნენ.
მომღერალს ყელზე კომპანია Tesla-ს ლოგოტიპიანი სამკაულიც ეკეთა, ამ კომპანიის გენერალური დირექტორი კი ილონ მასკია.
კლერი, ჟურნალ New Musical Express-ის ვერსიით, 2012 წელს ყველაზე საინტერესო შემსრულებლების სიას ედგა სათავეში. ის საკუთარ თავს დამოუკიდებელ არტისტს უწოდებს, წერს სიმღერებს და მუსიკას, თავადვე ასრულებს და ამ ყველაფერს პროდიუსერობასაც უთავსებს.
საინტერესოა მათი გაცნობის ამბავი.
აღმოჩნდა, რომ წყვილს ერთნაირი იუმორის გრძნობა აქვს.
დაახლოებით, ერთი თვის წინ Twitter-ის ერთ-ერთ პოსტში მასკი შეეცადა, კალამბური შეედგინა: მან „ვასილისკო როკო" ბაროკოს სტილს შეადარა. თავისდა გასაოცრად, მასკმა აღმოაჩინა, რომ ვასილისკო როკოს შესახებ ერთ გოგოს უკვე დაეწერა.
2015 წელს გრაიმსმა თავისი სიმღერის Flesh Without Blood-ის კლიპისთვის ეს პერსონაჟი გამოიყენა.
„არ ვიცი, გსმენიათ თუ არა ვასილისკო როკოზე. ეს პერსონაჟი ხელოვნური ინტელექტის გამო სამუდამო ტანჯვისთვის არის განწირული. გარეგნულად კი მარია-ანტუანეტას ჰგავს", - ამბობდა მომღერალი ინტერვიუში.
ინსაიდერთა თქმით, ილონმა გრაიმსს მისწერა, მან კი უპასუხა, რომ ის პირველია, ვინც ამ ხუმრობას მიხვდა.
ცნობისთვის: ვასილისკო როკო არის ფსიქოლოგიურ/ფილოსოფიურ/შემეცნებითი ინტერნეტგვერდი, რომელიც ერთმა რიგითმა მომხმარებელმა - როკომ შექმნა. (ვასილისკო ზღაპრული ურჩხულია, რომელიც შეხედვითა და სუნთქვით განურჩევლად კლავს ყველას). როკოს ეკუთვნის სხვადასხვა თეორია ხელოვნურ ინტელექტზე, კერძოდ: ხელოვნური ინტელექტი იმას მოახერხებს, რაც უნდა - მიაღწევს სინგულარობას, შეეძლება სიცოცხლეების ჩატვირთვა, განახლება...
ბაროკო კი, რასაც ეს ზემოაღნიშნული შეადარა მასკმა, სიტყვასიტყვით ნიშნავს უცნაურს, გადაჭარბებულს...
ასე რომ, მასკმა დააფასა გრაიმსის იუმორი და მოიხიბლა მისი გონებით.