თუკი დიდი ხანია, ერთი და იგივე სექსუალური პარტნიორი გყავთ, სულაც არ არის გასაკვირი, რომ ინტიმურ ცხოვრებაში სიახლის სურვილი გაგიჩნდეთ და რამე ახალი სცადო.
მაგრამ რა?
აი, პასუხები:
1. ცოტა ითამაშეთ.
დაიღალეთ მხოლოდ საკუთარი თავის წარმოჩენით? იქნებ, ახალი როლი მოირგოთ? ეს თამაშები თქვენს ინტიმურ ცხოვრებას ახალ დონეზე გადაიყვანს. რა თქმა უნდა, ამისთვის გჭირდებათ ნდობა (და იუმორის გრძნობა), მაგრამ მენდეთ, საბოლოოდ, ორივეს მოგეწონებათ.
2. გაათბეთ გრძნობები
თუკი დიდი ხანია ერთად ხართ, ალბათ, საკუთარ გარეგნობას განსაკუთრებულ ყურადღებას აღარ უთმობთ. დიახ, ორივე კომფორტულად გრძნობთ თავს ერთად, მაგრამ ეს სულაც არ ნიშნავს იმას, რომ სექსუალურად არ უნდა გამოიყურებოდეთ! შემდეგზე, პიჟამის შარვლის ნაცვლად მოირგეთ, მაგალითად, ლამაზი საცვალი და ეროტიკული შორტი. თქვენი სექსუალური პარტნიორის ფართოდ გახელილი თვალები დიდხანს გემახსოვრებათ!
3. გააღვიძეთ ვნება.
მისწერეთ მას მოკლე ტექსტური შეტყობინება, რა ელოდება სახლში. შეგიძლიათ, გადაურეკოთ კიდეც და ეს ყველაფერი ტელეფონში უთხრათ: საყვარელო, სახლში გელოდება ცივი საზამთრო, ცივი შამპანური და ცხელი სექსი! ალბათ, შემდეგში ისიც შეეცდება, მსგავსი სიურპრიზი მოგიმზადოთ.
4. უთხარით „არა“ რუტინას.
მუდმივად ერთ პოზაში სექსი მოსაწყენია და არც გასაკვირია, თუკი მიჩვეული პოზა ძველებურად აღარ გიზიდავთ. ბოლოს როდის სცადეთ ახალი პოზა? უი, ვერ იხსენებთ? მაშინ, დროა ეს ამაღამვე გააკეთოთ!
5. ისაუბრეთ პარტნიორთან.
პარტნიორთან საუბარი კარგი ურთიერთობის გარანტია. გახსოვდეთ, რომ ის ვერასდროს წაიკითხავს თქვენს ფიქრებს და თუკი „რამე“ გსურთ, უთხარით მას პირდაპირ! დარწმუნებული იყავით, რომ ისიც თქვენსავით მოიქცევა.