„მიყვარს დილის სექსი, ოღონდ საღამოს“ - დიახ, არსებობს ასეთი გამოთქმა.
დილის სექსი ყველას არ უყვარს, თუმცა საკითხავია, რატომ?
აი, თუკი მაღვიძარა დილის 7 საათზე დააყენეთ (და თან ღამის ორ საათზე დაიძინეთ) და 07:30-ზე უკვე მეტროში უნდა იყოთ - გასაგებია, რატომ ამბობთ უარს დილის სიამოვნებაზე. დიახ, გასაგებია, თუმცა, გასამართლებელი ნამდვილად არ არის.
ამიტომ გაიგეთ, დილის სექსს რამდენი დადებითი მხარე აქვს და ზოგჯერ (მაინც) აუცილებლად სცადეთ, იმ შემთხვევაშიც, თუკი მაღვიძარა დილის 7 საათზე დარეკავს.
დილის სექსი სტრესს ხსნის:
თუკი ახალგაღვიძებული უკვე იმაზე ფიქრობთ, რამდენი საქმე გელოდებათ წინ, ამ სიტუაციას მხოლოდ სექსი გამოასწორებს. რეალურად, სექსი - მედიტაციის მარტივი ალტერნატივაა. მეცნიერებმა დაამტკიცეს, რომ დილის სექსი სტრესის დონეს ავტომატურად ამცირებს.
აიძულებს თქვენს ტვინს, „ჩაირთოს“:
დილის სექსი ფინჯან ყავაზე არანაკლებ აფხიზლებს. ორგაზმი დადებითად მოქმედებს თავის ტვინის მუშაობაზე. ზრდის სისხლში ჟანგბადის დონეს, რის გამოც უფრო სწრაფად იღვიძებთ. მკვლევარებმა დაამტკიცეს, რომ სექსუალური აქტივობა არა მხოლოდ ტვინის ახალ უჯრედებს ავითარებს, არამედ აუმჯობესებს კოგნიტურ შესაძლებლობებს, რის გამოც უფრო სხარტად და უკეთესად აზროვნებთ.
გინარჩუნებთ კარგ განწყობას თითქმის მთელი დღის განმავლობაში:
სექსის პროცესში ჩვენი ტვინი გამოიმუშავებს ჰორმონების მთელ „კოქტეილს“! ორგაზმის შემდეგ სხეული გამოყოფს სეროტონინსა და დოფამინს. ეს ორი ჰორმონი პასუხისმგებელია ჩვენს ორგანიზმში სიამოვნებასა და ბედნიერებაზე. და კიდევ, მცირე ულუფა ოქსიტოცინითაც დასაჩუქრდებით - ეს არის „სიყვარულის ჰორმონი“, რომლის დახმარებითაც ვგრძნობთ სინაზესა და მიჯაჭვულობას საყვარელი ადამიანების მიმართ.
სპონტანურობა - ეს შესანიშნავია:
მოდით, ვიყოთ გულწრფელები: როგორც წესი, დილის სექსი არასდროს იგეგმება, ის უბრალოდ, ხდება და ეს შესანიშნავია, რადგან სწორედ სპონტანურობა ახალისებს ჩვენს სექსუალურ ცხოვრებას.
კიდევ ეტყვით თქვენს პარტნიორს დილის სექსზე უარს?
