1. ნუ იჩქარებთ!
ეს განსაკუთრებით ეხება კაცებს. კაცები მარტივად აღიგზნებიან და ჩქარობენ მთავარ პროცესზე გადასვლას. თუმცა, გოგოებს ეს მიდგომა არასდროს მოსწონთ. მათ უყვართ, როდესაც კაცი ცოტაოდენ დროს უთმობს მოფერებას და სასიამოვნო კოცნას. ამიტომ, ნუ გაგიკვირდებათ, თუკი ქალს ეწყინება, როდესაც მას სათანადო და საკმარის ყურადღებას არ დაუთმობთ.
2. კონტრაცეპტივი
უსიამოვნო სიტუაციების აღმოსაფხვრელად, სექსუალური კავშირის დაწყებამდე, აუცილებელია, წინასწარ ისაუბროთ პარტნიორთან თავდაცვის ასპექტებზე.
3. გარემო
სექსის დროს, გოგოები ხშირად გადაერთვებიან სხვა რამეზე, მაგალითად, გარემოზე, სუნსა და ხმებზე. წინასწარ იზრუნეთ, რომ ოთახში იყოს ინტიმური და სასიამოვნო გარემო.
4. კომპლექსები
მსგავსი პრობლემა უფრო მეტად ქალებში შეინიშნება. გეთანხმებით, რომ ჩვენ მუდმივად ვფიქრობთ, როგორ გამოვიყურებით, რამდენ კილოგრამს ვიწონით, გვაქვს თუ არა მკერდის ლამაზი ფორმა და ა.შ. თუმცა, თავის მხრივ, კაცებიც არანაკლებ ნერვიულობენ საკუთარი ღირსების ზომაზე. ნუ დაგავიწყდებათ, რომ ქალების უმრავლესობამ უკვე დავიმახსოვრეთ, რომ მთავარია ხარისხი და არა რაოდენობა.
5. სიცილი დაბრკოლებაა
კაცები საწოლში თავს ისედაც დაუცველად გრძნობენ და არ ღირს მათზე სიცილი, მათი დაცინვა ან თუნდაც, სხვა რამეზე გაცინება. ეს ძალიან გააბრაზებს თქვენს პარტნიორს და შესაძლოა, სექსუალური სურვილიც ჩაუქროს.
6. ორალური სექსი
კაცები ზოგჯერ სულელურად იქცევიან, როდესაც ქალს, თავზე ხელის დაჭერით უბიძგებენ კაცის სასქესო ორგანოსკენ. ეს ქალისთვის, ცოტა არ იყოს, დამამცირებელია. თუკი ორალური სექსის სურვილი გაგიჩნდათ, უმჯობესია, პირდაპირ გაუმხილოთ პარტნიორს საკუთარი სურვილი.
7. სიმულაციის გარეშე
ორგაზმის იმიტირება კაცს, რა თქმა უნდა, აღაგზნებს, მაგრამ, თუკი ის გაარკვევს, რომ ეს ყველაფერი, უბრალოდ, სიმულაცია იყო, შესაძლოა, სერიოზულად დამცირებულად იგრძნოს თავი თქვენმა პარტნიორმა. ამიტომ, ნუ შეგეშინდებათ, სთხოვოთ თქვენს მამაკაცს: რამე ახალი ხომ არ ვცადოთ?
8. მგრძნობიარე ადგილები
თუკი თავად ვერ ხვდებით, რომელია თქვენი პარტნიორის სხეულზე მგრძნობიარე ადგილები, შეგიძლიათ, შეფარვით ჰკითხოთ ამის შესახებ. მაგალითად: სად გსიამოვნებს ყველაზე მეტად მოფერება? სხეულის რომელ ნაწილზე მოგწონს შეხება ყველაზე მეტად? და ა.შ.
