სან-ფრანცისკოში (აშშ) მალე გაიხსნება რესტორანი Creator, სადაც მზარეულების ნაცვლად რობოტები იმუშავებენ. რობოტი მზარეული 20 კომპიუტერს, 350 სენსორს და 50 აკტუატორს გამოიყენებს. მის მიერ მომზადებული ბურგერი 6 დოლარი ეღირება, რაც აშშ-სთვის ძვირი არაა. მაღალხარისხოვანი ინგრედიენტებისგან დამზადებული ამგვარი ბურგერები, როგორც წესი, გაცილებით ძვირი ღირს.
Creator-ში ადამიანი თანამშრომლები მაინც ეყოლებათ. ისინი შეცვლიან ანდა დაამატებენ ინგრედიენტებს, მიიღებენ შეკვეთებს და მოემსახურებიან კლიენტებს.
Creator-ი 27 ივნისის შემდეგ ოთხშაბათ-ხუთშაბათს იმუშავებს. სექტემბრიდან კი რესტორნის სრულფასოვანი გახსნა იგეგმება.