ლინდა ჰემილტონის ყველაზე ცნობადი როლი სარა კონორია, რომელიც მან ტერმინატორის შესახებ პირველ ორ ფილმში შეასრულა. ამჯერად ის მადრიდში ახალი ფილმის გადაღებისას შეამჩნიეს. 61 წლის მსახიობი გზაზე შემხვედრი ნებისმიერი კიბორგის მოსაკლავად აღჭურვილი და მზადმყოფი იყო.
ჰემილტონი სარა კონორის როლის შესასრულებლად კარგად მოემზადა - წონაში დაიკლო და კუნთებიც დაიყენა. მიუხედავად ჭაღარისა, რომელიც მას ძლიერ უხდება, ჰემილტონი კვლავინდებურად მზადაა, სამყარო გადაარჩინოს.
ახალი, ჯერჯერობით უსახელო ფილმი 2019 წლის ნოემბერში გამოვა. „ტერმინატორის“ ვეტერანი არნოლდ შვარცენეგერიც, ასევე, მონაწილეობს მეექვსე ფილმში. ფილმში ახალბედებსაც ვიხილავთ - კანადელ მსახიობს მაკენზი დევისს და გებრიელ ლუნას.
ლინდა ჰემილტონის მონაწილეობით პირველი "ტერმინატორი" 1984 წელს გამოვიდა. იგი მაშინათვე საკულტო გახდა და მსახიობს სახელი გაუთქვა.
ამასთან მწირი ბიუჯეტის მიუხედავად ფილმმა დამდგმელებს კარგა გვარიანი შემოსავალი მისცა.
მეორე ფილმი 1991 წელს გადაიღეს და ჰემილტონი პირველი დონის ვარსკვლავებში გაერია.
ტერმინატორზე მეექვსე ფილმი 2019 წლის 26 ივლისს უნდა გამოსულიყო. მაგრამ თარიღმა 22 ნოემბრამდე გადაიწია, რათა "ფორსაჯის" სპინ-ოფსს არ გადაჯაჭვოდა.
ამჯერად მაკენზი დევისი დროში მოგზაურ მომავლის ადამიანს ითამაშებს. ახალი ტერმინატორის როლში გებრიელ ლუნა იქნება. შვარცენეგერი Т-800-ის ადამიანურ პროტოტიპს - სერჟანტ უილიამ კენდის როლში გამოჩნდება.
ლინდა ჰემილტონი და არნოლდ შვარცენეგერი კანში, 1990 წელი.
