1. კბილების გახეხვა
სანამ მშვიდად გძინავთ, პირის ღრუში ბაქტერიები არ ისვენებენ, პირიქით, აქტიურდებიან, შემდეგ კი ორგიას აწყობენ. საბოლოოდ, ჩვენს სუნთქვას დილაობით მხოლოდ მშიერი კატა თუ აიტანს, ისიც, საჭმლის მიღების ხათრით. ამიტომ, გაღვიძებისთანავე, პირველ რიგში, აბაზანაში შეირბინეთ კბილების გასახეხად. კოცნა სექსის საუკეთესო მეგობარია და რეკომენდებულია სექსუალურ აქტამდე.
2. ტუალეტში შეხედვა
რადგან იქვე ხართ, აბაზანაში და კბილებს იხეხავთ, როგორც კი დაასრულებთ, ტუალეტშიც შეირბინეთ. დარწმუნებულები ვართ, რომ მალე მეცნიერები ჩაატარებენ კვლევას, რომლის თანახმადაც ფრაზები: „დაიცადე, მალე გამოვალ... ჯანდაბა, არ უნდა დამელია ძილის წინ ამდენი სითხე“ მნიშვნელოვნად დააქვეითებს ლიბიდოს და გააფუჭებს დილის სექსს.
3. შხაპის მიღება
თუ მოწესრიგებაა, მოწესრიგება იყოს! ბოლოს და ბოლოს, ჩვენი სხეული მთელი ღამის მანძილზე განაგრძობს მუშაობას. ასე რომ, დილაობით, უცებ შხაპის გადავლება ურიგო არ იქნება, მით უმეტეს, თუკი წინა რჩევები გაითვალისწინეთ და ტრიუმფით მოიარეთ ტუალეტი.
4. ისარგებლეთ დეზოდორანტით
ამ პროცესს, დაახლოებით, ორი წამი სჭირდება (თუკი, რა თქმა უნდა, დეზოდორანტი ხელიდან არ გაგივარდებათ და საწოლის ქვეშ არ შევარდება), მაგრამ იყავით თავდაჯერებული. ამგვარად სასიამოვნო არომატი ხელს შეგიწყობთ და დილის სექსი წარმატებით ჩაივლის.
5. წაიხემსეთ
ამგვარად დაიმშვიდებთ კუჭს, რომელიც დილის საუზმის ნაცვლად მოულოდნელ ფიზიკურ აქტივობას მიიღებს. რა თქმა უნდა, წახემსება მსუბუქი უნდა იყოს: თუნდაც ნახევარი ვაშლი, ორი-სამი ლუკმა ბანანი, ცოტაოდენი იოგურტი ან მთლიანი გარგარი (გარგარი მაინც პატარაა და...).
ცდებით, თუკი ფიქრობთ, რომ ამ პროცედურების შესრულებას დიდი დრო სჭირდება და როდესაც დილის სექსი სამსახურში წასვლამდე ან ბავშვის გაღვიძებამდე უნდა მოასწროთ, ეს ჩამონათვალი უადგილოა.
