კომპანია Mac-ის მზარდ პოპულარობას სათავისოდ იყენებდა და ცდილობდა, მსოფლიოში მოდის კანონმდებელი გამხდარიყო. პროდუქციის კატალოგში შეგიძლიათ, ნახოთ ნივთები, რომლებიც დღესაც არ კარგავს აქტუალობას, თუმცა მათ შორის უჩვეულო საგნებიც შეიძლება აღმოაჩინოთ.
iDecanter
Designed in California, manufactured in… Romania. ღვინის მინის გრაფინი ლექის გამოსაყოფად და ღვინის გემოს სრულად შესაგრძნობად. შესაძლოა, ეს მსოფლიოში ერთ-ერთი საუკეთესო დეკანტერი იყო, თუმცა საკმაოდ ძვირი ღირდა - დაახლოებით 80 დოლარი ინფლაციის გათვალისწინებით.
iSurfboard
დარტყმამედეგი დაფა სერფინგისთვის. იმ დროს ის ბაზარზე ერთ-ერთ ყველაზე მსუბუქ დაფად ითვლებოდა. დაფას Apple-ის ლოგოტიპიანი ორი აფრა მოჰყვებოდა და დღევანდელ ფასებზე გადაანგარიშებით 2300 დოლარი ღირდა.
iToy Truck
უბრალო სათამაშო სატვირთო მისაბმელით, რომელზეც ისევ და ისევ ვაშლია გამოსახული. „ერთნაირად კარგად გამოიყურება მოზრდილი ადამიანის მაგიდაზე და ბავშვის ოთახში“, - ნათქვამია აღწერაში.
iClip
Apple ოფისის აქსესუარებსაც უშვებდა, მათ შორის ისეთ წვრილმანებს, როგორიც საკანცელარიო სკრეპებია. აქაც ლოგოს გარეშე შეუძლებელი იყო.
Apple-Brown Calculator
იმ დროს ფართოდ გავრცელებული კალკულატორი Brown ET-66 კომპანია Apple-ის საკუთარ ქმნილებას არ წარმოადგენდა, მაგრამ მას რეკლამის მიზნით იყენებდნენ. უფრო მეტიც, ET-66-ის დიზაინმა გარკვეული ზემოქმედება მოახდინა iPhone-ის კალკულატორის პირველ ვერსიაზე.
iDesk
წიფლის მაგიდა MacDesk, რომელიც 1986 წელს გამოუშვეს, გათვალისწინებული იყო კომპიუტერ Macintosh Plus-ზე კლავიატურით და პრინტერზე. მას პატარა ზომის უჯრაც ჰქონდა. მაგიდის სიმაღლის რეგულირება შეიძლებოდა. ის ახლა დაახლოებით 900 დოლარი ეღირებოდა.