გამოკითხვაში, რომელიც დიდ ბრიტანეთში ჩატარდა, უფრო მეტი ქალი მონაწილეობდა, ვიდრე კაცი და მათი პასუხების მიხედვით შეიქმნა კაცის პორტრეტი, რომელთანაც ურთიერთობა ნებისმიერი ქალისთვის სასურველია.
მკვლევარების ზოგიერთი დასკვნა ვერ გაგაოცებთ, თუმცა, კაცი-ორგაზმის პორტრეტი ნამდვილად მოულოდნელი აღმოჩნდება (და, ალბათ, თქვენთვისაც).
„ჩემთვის სულ ერთია, ვინ არის ის, მთავარია იყოს სიმპათიური მილიონერი იუმორის გრძნობით".
ხუმრობა იქეთ იყოს, მაგრამ ეს ზუსტად ასეა. ქალები ხშირად განიცდიან ორგაზმს, თუკი მათი პარტნიორი მდიდარი, თავდაჯერებული და მიმზიდველია.
არც ისე მდიდარია? არა უშავს.
მაშინ, განიერი მხრები ჰქონდეს. ეს, თითქოს, მეოთხეხარისხოვანი მნიშვნელობის დეტალი სექსში კაცისთვის უდიდესი წარმატების გარანტია.
აა, არც ათლეტური აღნაგობა აქვს? მაშინ, იქნებ იუმორის გრძნობა ჰქონდეს.
აღმოჩნდა, რომ ქალები კარგი უმორის მქონე კაცებთან ხშირად განიცდიან ორგაზმს. გამოკითხული ქალების უმეტესობა ამტკიცებს, რომ პარტნიორებში იუმორის გრძნობა არა მხოლოდ კარგ სექსს უზრუნველყოფს, არამედ შესანიშნავ ოჯახურ ურთიერთობას და, ასევე, მატერიალურ შემოსავალსაც.
როგორ უკავშირდება იუმორი ფინანსებს და სექსს - არ იკითხოთ. მდიდრებს აქვთ კარგი იუმორი თუ ხუმარა ადამიანები უფრო ადვილად შოულობენ ფულს - უცნობია.
ხოლო იმის ზომა, რაც შარვალში აქვთ კაცებს, თითქმის არ მოქმედებს ორგაზმის სიხშირეზე. ყოველ შემთხვევაში, ამას ამტკიცებს სტატისტიკა.
ასე რომ, ძვირფასო მამაკაცებო, ხშირად იარეთ სპორტდარბაზში, იშოვეთ ბევრი ფული და გაიღიმეთ. ეს გაცილებით მეტ სარგებელს მოგიტანთ, ვიდრე იმის ძიება, თუ როგორ გაიდიდოთ პენისი 5 სანტიმეტრით.