საფრანგეთი - ნატურალურობა
ამ ქვეყანაში მოდას ბუნებრივობა მართავს - მინიმუმამდე დაყვანილი მაკიაჟი, ბუნებრივი უწესრიგობა თავზე და არაფერი ზედმეტი. ფრანგები დარწმუნებულნი არიან, რომ ქალს ნებისმიერ ასაკში შეუძლია, იყოს თანამედროვე და ელეგანტური.
მალაიზია - სიფერმკრთალე და მინიატურულობა
მალაიზიელები შეყვარებული არიან ღია ფერის კანზე (ისევე როგორც, ზოგადად, აზიელები). მინიატურული ფიგურა, ღია ფერის კანთან კომბინაციაში, გოგონას ნამდვილ ლამაზმანად აქცევს ამ ქვეყანაში.
ავსტრალია - სპორტულობა
ავსტრალიაში უყვართ ნავარჯიშები და გარუჯული გოგოები. პლაჟზე ხომ სწორედ ასე უნდა გამოიყურებოდე!
პოლონეთი - პროპორციულობა და გრძელი თმა
პოლონელებს დიდად არ ხიბლავთ სტანდარტული აღნაგობის ქალები. მათ უფრო პროპორციული და გრძელთმიანი გოგოები მოსწონთ.
შვედეთი - სკანდინავიური გარეგნობა და დახვეწილი სტილი
სექსუალურ შვედ ლამაზმანს აუცილებლად უნდა ჰქონდეს თეთრი, პლატინასავით თმა, ცისფერი თვალები და მაღალი ღაწვები. ამ ქვეყანაში ქალები დიდ ყურადღებას აქცევენ მოდურად ჩაცმას, თუმცა, ამასთანავე, ერიდებიან მყვირალა ფერებს და მკვეთრ მაკიაჟს.
სამხრეთი კორეა - ღია ფერის კანი, როგორც სილამაზის მთავარი პირობა
სამხრეთკორეელ მამაკაცებს მოსწონთ ქალები ფერმკრთალი, ფაიფურივით კანით და დიდი მრგვალი თვალებით. ასეთმა სტანდარტებმა ამ ქვეყანაში ის მოიტანა, რომ ახლა ყოველი მეათე გოგონა პლასტიკურ ქირურგთან გარბის, რათა თვალის ჭრილი გაისწოროს და ნიკაპი დაივიწროოს.
ირანი - დახვეწილი ცხვირი
მკაცრი დრეს-კოდის გამო, ირანელი ქალები ყველაზე დიდ ყურადღებას თავიანთი სხეულის ერთადერთ გამოსაჩენ ადგილს - სახეს უთმობენ. ირანში სილამაზისა და სექსუალურობის მთავარი ნიშანი სწორი, აკურატული ცხვირია, ამიტომაც მთელი ირანის საქალეთი ერთხმად იკეთებს რინოპლასტიკას.
ამერიკის შეერთებული შტატები - ყველაფერი, და რაც შეიძლება ბევრი!
ამერიკაში ძნელია, გამოკვეთო ქალური სილამაზის სტანდარტი. მარტო იმის თქმა შეიძლება, რომ ამერიკელებს მოსწონთ მაღალი და გამხდარი ქალები, დიდი მკერდით, გარუჯული კანით და დიდი თვალებით. არც მკვეთრი მაკიაჟი ჩაითვლება მინუსად, თუ ის ოსტატურად იქნება გაკეთებული.
დანია - გოგონა-ბარბი
კიდევ ერთი ქვეყანა, სადაც ძალიან უყვართ ქერები. დანიაში, ისევე როგორც შვედეთში, მომხიბვლელად მიიჩნევიან ღია ფერის თმის მქონე ქალები. დანიელებს, ასევე, მოსწონთ, როცა მაკიაჟში კონტრასტული შავი ფერია გამოყენებული, თვალის ხაზების გამოსაკვეთად.
სერბეთი - ძალიან მკაფიო სტანდარტები
სერბეთში სექსუალურობა ძალიან მკაფიოდაა განსაზღვრული. ეს არის - მსხვილი ტუჩები, პატარა ცხვირი, დიდი ცისფერი თვალები და მაღალი ღაწვები. ოჰო, სერბებმა, ეტყობა, იციან, რა უნდათ!
