ალბათ, უამრავჯერ წაგიკითხავთ, როგორ აქციოთ სექსი ნამდვილ დღესასწაულად. ამგვარი რჩევა ბევრია: როგორ მოვიქცეთ დაუვიწყარი პრელუდიის შესაქმნელად, როგორ ჩვევებს უნდა ფლობდეს იდეალური სექსპარტნიორი და რომელი ფიზიკური ვარჯიში გაქცევთ ნამდვილ სექსგიგანტად.
მეცნიერებმა კი უფრო მარტივი საშუალება შემოგვთავაზეს - ამისთვის მხოლოდ შუქის ანთებაც საკმარისია.
ახალი კვლევის თანახმად, რომელიც სიენის უნივერსიტეტში ჩატარდა, სექსუალური აქტი განათებულ ოთახში ტესტოსტერონის დონეს ამაღლებს და შეგრძნებებს სამჯერ უფრო ამძაფრებს.
ეს ინფორმაცია განსაკუთრებით აქტუალურია დასავლეთ ევროპაში მცხოვრები მოსახლეობისთვის, სადაც ნოემბრიდან აპრილამდე დღის შუქი მკვეთრად მცირდება, ეს კი კაცებში ლიბიდოს დაქვეითებას იწვევს.
ამ ფაქტის კონტროლს სტატისტიკა ამარტივებს: ჩრდილოეთ ქვეყნებში ჩასახვის პიკი ივნისშია (ალბათ, თქვენც შეგინიშნავთ, რომ ზაფხულში სექსით დაკავების სურვილი გაცილებით ხშირია, ვიდრე ზამთარში!).
სინათლის მოცულობის ხელოვნურად გაზრდას იმავე შედეგამდე მივყავართ. ამიტომ, თუკი ზამთარში სექსით დაკავებას მძაფრსიუჟეტიანი სერიალების ყურება გირჩევნიათ, სიტუაციას საძინებელში დამატებით რამდენიმე ნათურის დამონტაჟება გამოასწორებს. და, რა თქმა უნდა, საძინებელში ქალიც უნდა იყოს.