მართალია, სტრიები ჯანმრთელობისთვის აბსოლუტურად უსაფრთხოა, თუმცა, იშვიათად ნახავთ ქალს, რომელსაც მათი მოშორების სურვილი არ აქვს. სტრიების გაჩენის მიზეზი მრავალია: წონის მკვეთრი მატება და კლება, ორსულობა ან ჰორმონალური ფონის ცვლილება. შესაძლებელია მისი მოშორება სახლის პირობებში, კოსმეტოლოგის ან ექიმის ჩარევის გარეშე? სპეციალისტები ამტკიცებენ, რომ შესაძლებელია, განსაკუთრებით ადრეულ სტადიაში. სცადეთ რამდენიმე მარტივი ხრიკი სტრიების საწინააღმდეგოდ, რომლებითაც თავად კოსმეტოლოგებიც სარგებლობენ და შეაფასეთ მათი ეფექტურობა.
ქოქოსის ზეთი
ქოქოსის ზეთი მდიდარია განსაკუთრებული ნივთიერებებით, რომლებსაც აქვს ანთებისსაწინააღმდეგო თვისება და სტრიების ზომის შემცირებას, ხშირ შემთხვევაში კი მათ სრულად გაქრობას უწყობს ხელს. ისარგებლეთ ქოქოსის ზეთით ყოველდღე, სამი თვის განმავლობაში, აქტიურად შეიზილეთ კანის სტრიებიან ნაწილზე და დაელოდეთ შედეგს.
შაქარი
თუკი შაქარსა და ნახშირწყლებს გადაჭარბებული დოზით იღებთ, შესაძლოა, სტრიები ამ მიზეზითაც გაგიჩნდეთ, მაგრამ, თუკი სტრიები უკვე გაქვთ, შაქარი მათ მოშორებაში დაგეხმარებათ. გადაურიეთ შაქარი ნუშის ან ქოქოსის ზეთში, დაამატეთ ლიმონის წვენი და მიღებული მასა შეიზილეთ სტრიებიან ადგილებში 10 წუთის განმავლობაში. პროცედურა ჩაიტარეთ კვირაში ერთხელ, პირველ შედეგს კი უკვე რამდენიმე დღის შემდეგ შენიშნავთ.
ვიტამინი C
ამ ვიტამინის ეფექტურობა სტრიებთან გამკლავებაში კლინიკურმა კვლევებმა დაადასტურა. კვლევაში მონაწილეებმა, რომლებიც 12 კვირის განმავლობაში იღებდნენ C ვიტამინს, დაადასტურეს, რომ მათ სტრიების რაოდენობა შეუმცირდათ და ხშირ შემთხვევაში, გაუქრათ კიდეც. C ვიტამინი შეგიძლიათ მიიღოთ აბების სახით, ფხვნილის სახით ან მიირთვათ ამ ვიტამინის შემცველი პროდუქტები: ციტრუსი, მარწყვი, კომბოსტო და სხვ.
ჰიალურონის მჟავა
ჰიალურონის მჟავა ზრდის კოლაგენისა და მნიშვნელოვანი ცილის გამომუშავებას, რომლებიც ხელს უწყობს კანის გამკვრივებას და ელასტიკურობას. შეგიძლიათ, ისარგებლოთ ჰიალურონის შემცველი ლოსიონებით ან კრემებით, ან ჰიალურონის კაფსულები შეიზილოთ კანის სტრიებიან ნაწილზე.
ალოე ვერა
სტრიების გაჩენის კიდევ ერთი მიზეზი - კანის უჯრედებში ტენიანობის ნაკლებობაა. ამ პრობლემის აღმოფხვრას ალოე ვერა უწყობს ხელს. ის, ასევე, ამცირებს სტრიებს. გარდა ამისა, ალოეს აქვს ანთებისსაწინააღმდეგო თვისება, რაც სტრიებთან ბრძოლის დროს მნიშვნელოვანია.
A ვიტამინი
A ვიტამინი - ეს არის რეტინოიდი, რომლის დახმარებითაც კანი უფრო რბილდება. სტრიების მოსაცილებლად შეგიძლიათ ისარგებლოთ A ვიტამინის შემცველი კრემებითა და ლოსიონებით. მიიღეთ A ვიტამინით გამდიდრებული სითხეები და საკვები პროდუქტები.