ზეითუნის ზეთი
სულაც არ ვხუმრობ, როდესაც ვამბობ, რომ ზეითუნის ზეთი - ეს ჩვეულებრივი ამბროზიაა ჩვენი სხეულისთვის, რომელიც არა მხოლოდ გულის დაავადებებისა და მაღალი წნევის მკურნალობაში გვეხმარება, არამედ, კანსა და თმებს სხვადასხვა ვიტამინით კვებავს... ხომ არ დაფიქრდით, რა შუაშია ზეითუნის ზეთი ორგაზმთან? აღმოჩნდა, რომ ზეითუნის ზეთი ტესტოსტერონის დონეს ზრდის და თუკი ფიქრობთ, რომ ეს ჰორმონი მხოლოდ კაცებს სჭირდებათ, ძალიან ცდებით. ზეითუნის ზეთი თქვენს ლიბიდოსაც აუცილებლად მოუტანს სარგებელს.
ცხარე წიწაკა
გიყვართ ცხარე კერძები? თუკი დიეტოლოგ კიმბერლ სნაიდერს დავუჯერებთ, წიწაკა თქვენს ორგაზმზე საუკეთესოდ იმოქმედებს. პირველ რიგში, წიწაკა ახურებს სხეულს და გვამზადებს სექსისთვის. მეორე, აძლიერებს სისხლის მიმოქცევას - მათ შორის, საშოს მიდამოებში. ხოლო როდესაც სისხლი მგრძნობიარე ორგანოებს ძლიერად მიეწოდება, სექსი შეუდარებელია.
ნიორი
მიუხედავად იმისა, რომ ნიორი სულ ბოლო პროდუქტია, რომელიც სექსთან კონტექსტში თავში მოგივათ, მაინც გეტყვით, რომ ნიორი შეიცავს დიდი რაოდენობით ალიცინს, რომლის დახმარებითაც სისხლის მიმოქცევა სასქესო ორგანოებში ძლიერდება. შესაბამისად, ძლიერდება აღგზნებადობაც. ახლა თქვენი გადასაწყვეტია, გექნებათ თუ არა სექსი ნივრის არომატის ფონზე.
თხილი
თხილი ყველაზე კარგად მოქმედებს ჩვენი სიამოვნების ხარისხზე, რადგან მასში შემავალი ომეგა-3 ქალის ლიბიდოს აძლიერებს. არაფერს ვამბობთ იმაზე, რომ ეს გემრიელობა კალცის, ფოსფორისა და კალიუმის წყაროა, რაც ქმნის პატარა ენერგეტიკულ საწარმოს, ხოლო ენერგია კარგი სექსის ერთ-ერთი აუცილებელი პირობაა.
შოკოლადი
რა თქმა უნდა, შოკოლადის გარეშე არაფერი გამოვა! თუმცა, ამ შემთხვევაში საუბარია შავ შოკოლადზე. ასე რომ, გადადით ძალების მუქ მხარეზე. რატომ? იმიტომ, რომ შოკოლადი შეიცავს ფენილეტილამინს, რომელიც ორგანიზმის მოდუნებას, დაკმაყოფილებასა და სიამოვნებას უწყობს ხელს. ამაღლებს განწყობას, ამცირებს სტრესს და არეგულირებს სექსუალურ სურვილს.
ბანანი
მიუხედავად იმისა, რომ ბანანის დანახვაზე, შესაძლოა, ფიქრები სხვა რამისკენ გაგექცეთ, ის B ვიტამინის ჯგუფის ნამდვილი წყაროა, რომელიც ჰორმონების სინთეზში აუცილებლად მონაწილეობს. ერთ-ერთი მათგანია სეროტონინი, რომელიც ბევრისთვის ცნობილია, როგორც განწყობასა და სიამოვნებაზე პასუხისმგებელი ჰორმონი.