ის, თუ როგორ „გაგისწორდებათ“ ორივეს, დამოკიდებულია თქვენს ურთიერთობაზე. ქალისთვის მთავარია განწყობა, ხოლო ის, თუ როგორი სექსი გვექნება, შეიძლება ითქვას, ძირითადად, ჩვენზეა დამოკიდებული.
სექსეტიკეტის რჩევები და წესები:
1. ყველაზე პირველი რჩევა - ნუ იქნებით ზარმაცი.
ფრაზა „უბრალოდ დავწვები და თვითონ მომეფეროს“, არ გამოგადგებათ. პასიურ როლში ყოფნის მოყვარულებმაც მოფერებას მოფერებითვე უნდა უპასუხოთ. ასე რომ, გამოძრავდით. აგრძნობინეთ, როგორ მოგწონთ მისი მოფერება. და გააქტიურდით. ნუ გავიწყდებათ, რომ კაცებსაც აქვთ ეროგენული ზონები და მათ პოვნა უნდა.
2. პარტნიორთან სცადეთ ყველაფერი, რაც შეიძლება და არ შეიძლება.
გაუმხილეთ ერთმანეთს ფარული სურვილები. იქნებ, ღირდეს მათი ცხოვრებაში განხორციელება? ითამაშეთ. თუკი თამაშის ნიჭი არ გაქვთ, იყავით ბუნებრივი და უპირატესობა მიანიჭეთ პოზებში ექსპერიმენტებს. სხვათა შორის, ექსპერიმენტებისთვის სახლის სხვადასხვა ოთახები და ადგილებიც გამოგადგებათ (და არამხოლოდ). ისაუბრეთ სექსზე, გაარკვიეთ, ვის რა უფრო მოგწონთ. რომელი პოზაა ძალიან კარგი, რომელი - ნაკლებად. სად ისურვებდით სექსს. შესაძლოა, პარტნიორის შემოთავაზება გულზე არ მოგხვდეთ, თუმცა, ნუ ეტყვით მას კატეგორიულ უარს და, რაც მთავარია, არ დასცინოთ მას, წინააღმდეგ შემთხვევაში თქვენი გულწრფელი საუბრები საწოლში უკანასკნელი იქნება. უპასუხეთ ისე, რომ თქვენი უარი კატეგორიულად არ ჟღერდეს.
3. ხმამაღლა ისაუბრეთ საკუთარ სურვილებზე.
დიახ, გაჩუმება სექსში რა მოსატანია? სხვანაირად როგორ გააგებინებთ მას, რომ გაგიჟებთ ტერფებზე კოცნა ან ის, რომ პარტნიორი ჭკუიდან გადადის, როდესაც სექსის დროს მისი მარცხენა ხელის ნეკა თითს ძლიერად უჭერთ? ყველა სურვილი, ყველაზე გასაოცარიც კი ხმამაღლა უნდა წარმოთქვათ. ამგვარად, თქვენი სექსი დაუვიწყარი იქნება, ხოლო ურთიერთობა - უფრო მყარი.
4. გიყვარდეთ საკუთარი თავი საწოლში.
უარი უთხარით საკუთარ კომპლექსებს. კაცი, რომელიც თქვენთან სექსით არის დაკავებული, არ აკვირდება, გისვიათ თუ არა ფეხზე მანიკიური. მას ისეთი უყვარხართ, როგორიც ხართ. მოდუნდით, მიიღეთ სიამოვნება და ასიამოვნეთ პარტნიორს საკუთარ გარეგნობაზე ფიქრის გარეშე. თუკი საკუთარი თავი და საკუთარი სხეული გიყვართ, რჩეულიც აუცილებლად შეგიყვარებთ.
5. მოეკიდეთ სექსს სერიოზულად.
იცით, რას გულისხმობს ეს რჩევა? იმას, რომ სექსის დროს პარტნიორი ძალიან, ძალიან უნდა გიყვარდეთ. მერე რაა, თუკი ეს არ არის ვნებიანი საღამო და ამ ღამით სექსი თქვენთვის, უბრალოდ, ძილის წინ ვარჯიშია. მაინც ასიამოვნეთ მას, უთხარით, რომ გიყვართ და საპასუხოდ აუცილებლად მოისმენთ სასიამოვნო სიტყვებს. არ იზარმაცოთ, რადგან თქვენი სიამოვნება მხოლოდ თქვენს ქმედებებზეა დამოკიდებული. ეს რჩევა აუცილებლად გააუმჯობესებს თქვენი სექსის ხარისხს და, შესაბამისად, სიამოვნებასაც.
