1. „დაახლოებით, ერთი თვის წინ“
სავარაუდოდ, ასეთ პასუხს გაიგებთ, თუკი ახალ პარტნიორს ჰკითხავთ, როდის ჩაიტარა ბოლოს ანალიზები ინფექციებზე. ფიქრებში წასული მზერით შეეცდება, გაიხსენოს ზუსტი თარიღი, რადგან ის ხომ პასუხისმგებლობით აღსავსე ადამიანია და ზრუნავს საკუთარ ჯანმრთელობაზე! უფრო კარგი იქნება, თუკი ახალ პარტნიორს ანალიზების პასუხს მოსთხოვთ, რათა დარწმუნდეთ, რომ თურმე ლაბორატორიის კარი ბოლოს ორი წლის წინათ შეაღო და მცირედი ეჭვის შემთხვევაში აუცილებლად გაგზავნეთ გამოკვლევებზე.
2. „ორალური სექსის დედოფალი ხარ“
ალბათ, მართლა შესანიშნავი ხართ სექსის ამ სახეობაში, მაგრამ დამშვიდდით: დიდი ალბათობით, ეს შექება პარტნიორის წამიერმა ემოციებმა გამოიწვია და არა რეალურად თქვენმა პირველობამ. გული ნუ დაგწყდებათ, ჩვენც ხომ ვიცით, რომ ყველა კაცს არ შეუძლია ენით კარგად მუშაობა.
3. „მეტი არ შემიძლია“
ხანგრძლივ სტაბილურ ურთიერთობაში ეს შეიძლება, მართლა დაიჯეროთ, მაგრამ, თუკი არც ისე დიდი ხანია, ერთად ხართ და ჯერ კიდევ ტკბებით ერთმანეთის სხეულით, ამგვარი სიტყვები იმაზე მიანიშნებს, რომ მას თქვენგან თავის დაღწევა სურს.
4. „პრეზერვატივით არ შემიძლია“
გამოიძვრეთ ბამბები ყურებიდან: მას შეუძლია. დიახ, ყველა კაცს შეუძლია, მიიღოს სიამოვნება პრეზერვატივით. მისი მცდელობა, დაგითანხმოთ დაუცველ სექსზე, შეიძლება ორნაირად ახსნათ: ან ენდობით (და კონტრაცეპტივებზე თავად ზრუნავთ), ან საკუთარი თავის მიმართ პატივისცემას გამოხატავთ და არ აძლევთ „რეზინის“ მოხსნის უფლებას.
5. „ზოგადად, ყოველთვის ვიცავ თავს“
თუკი ეს არ არის კაცი ზედა პუნქტიდან - შეგიძლიათ, გაიცინოთ და დაფიქრდეთ, რამდენ ქალთან უთქვამს მსგავსი სიტყვები.
6. „ასეთი რამ ჯერ არ მომხდარა“
გაუგებარია, რა აიძულებთ კაცებს, ამგვარი უაზრო ტყუილი თქვან. ისინი ხომ არ არიან სექსმანქანები, რომ ყოველთვის და ყველგან ყველაფერი გამოუვიდეთ. ალბათ, გქონდათ კიდეც ნორმალური სექსი, სადაც მიხვდით, რომ ყველაფერი რიგზეა. მაგრამ იმ შემთხვევაშიც, თუკი ეს სიტყვები მოგესმათ, ნუ გაიცინებთ, უბრალოდ, ჩართეთ სამუხრუჭე სისტემა.
7. „მომწონს შენი გემო“
არა, ზოგჯერ ეს შეიძლება სიმართლე იყოს, მაგრამ, ზოგადად, ამგვარი სიტყვები კომპლიმენტია, რომელსაც რეალური საფუძველი არ აქვს. მას სიამოვნებს, რომ თქვენ გსიამოვნებთ, მაგრამ სრული სერიოზულობით უყვარს ინტიმური საიდუმლოს გემო? ოჰ, მეეჭვება.