ლონდონის საუნივერსიტეტო კოლეჯში ჩატარებულ კვლევაში 115 კაცი და 250 ქალი მონაწილეობდა. კვლევის შედეგად დადგინდა რომ ქალების უმეტესობა სტრესის დროს ცდილობს, გემრიელი და, როგორც წესი, არაჯანსაღი საკვები მიიღოს. თუმცა, სტრესთან გამკლავების იგივე მეთოდს მიმართავს კაცების 31%.
მაგრამ კიდევ უფრო საინტერესო კაცების 27%-ის აღიარებაა: სტრესისგან გასათავისუფლებლად ისინი, არც მეტი, არც ნაკლები, სექსს მიმართავენ. თანაც სექსს არა პირდაპირი გაგებით, არამედ, სექსში თვითდაკმაყოფილებასა და პორნოფილმების ყურებასაც გულისხმობენ. ამგვარი „ვარჯიშის“ შემდეგ ორგანიზმიდან გამოყოფილი ენდორფინები კაცებს ბედნიერებისა და ცხოვრებით კმაყოფილების განცდას უბრუნებს.
თანაც, სტრესულ მდგომარეობაში სექსი მათ ეხმარება, დაივიწყონ პრობლემები. როგორც წესი, კაცებს ქალებთან შედარებით უფრო ძლიერი ლიბიდო აქვთ და ეს საკმაოდ მოსახერხებელი მეთოდია უსიამოვნო ემოციებთან გასამკლავებლად. იმ ქალების რაოდენობა კი, რომლებიც სტრესს სექსის დახმარებით ამარცხებენ, მხოლოდ 11%-ია.
ერთი სიტყვით, ეს კვლევა კიდევ ერთი დასტურია იმისა, რომ სექსი აბედნიერებს. თანაც, ეს გაცილებით მარტივი და იაფია, ვიდრე პრეპარატების მიღება ან თუნდაც, ფსიქოლოგთან ვიზიტი.
