როგორ დავიცვათ თავი კოღოებისგან სახლის პირობებში

სილამაზე/ჯანმრთელობა

8 აგვისტო 13:00, 2018 წელი

როგორი წვრილი ბადეებიც არ უნდა ავაკრათ ფანჯრებს, ეს აბეზარი მწერები ბინაში მაინც აღწევენ და სიცოცხლეს გვიმწარებენ... ამიტომ გთავაზობთ რჩევებს, რომლებიც ამ ცხელ დღეებში ნამდვილად აქტუალურია.

რა იზიდავს კოღოებს?


ალბათ, შეგინიშნავთ, რომ კოღოები ზოგიერთებს განსაკუთრებული სიხშირითა და დიდი მონდომებით უტევენ, ზოგს კი - ნაკლებად. ასეთ შემთხვევაში უიღბლოები ჩვეულებრივ ამბობენ, რომ „მათ გემრიელი სისხლი აქვთ“. ამის შემდეგ იწყება მკითხაობა: მაინც რომელი ჯგუფის სისხლი ურჩევნიათ კოღოებს? აქვე უნდა დაგარწმუნოთ, რომ კოღოები გურმანები არა არიან და ერთნაირი მადით შეექცევიან ყველა ჯგუფის სისხლს.


რაზე რეაგირებენ კოღოები?


1. ოფლის სუნზე


კოღო ერთადერთი არსებაა დედამიწაზე, რომელიც ადამიანის ოფლის სუნზე გიჟდება. ასე რომ, თუ გინდათ განსაკუთრებული რისკის ზონაში არ მოხვდეთ, მოსპეთ ოფლიანობა.


2. ჰორმონებზე


ამ სისხლისმსმელ არსებებს ის ქიმიური ნივთიერებებიც იზიდავთ, რომლებსაც სექსჰორმონები შეიცავს. ამიტომაც ყოველდღიური ცხოვრებით ბედნიერი მამაკაცები, რომელთაც ტესტოსტერონის დონე გაცილებით მაღალი აქვთ, ვიდრე სხვა მათივე მსგავსთ, მთლად ბედნიერები ვეღარ იქნებიან კოღოების გარემოცვაში. აი, გოგონებს კი ეს სისხლისმწოველები მაშინ უტევენ, როცა ქალური ჰორმონის ესტროგენის დონე პიკზეა - ოვულაციის პერიოდში.


3. მკვეთრ სუნებზე


თუ გინდათ, რომ კოღოები არ მიიზიდოთ, უარი თქვით სუნამოებსა და ოდეკოლონებზე - სისხლისმსმელები განსაკუთრებით ეტანებიან მუშკის სუნს, რომელიც პარფიუმერიაში გამოიყენება.


4. სხეულის მოძრაობაზე


კოღოები სიამოვნებით ესხმიან თავს იმ სამიზნეს, რომელიც აქტიურად მოძრაობს. ასე რომ, ნაკლებად მოიგერიეთ ისინი და ჟესტიკულაციასაც მოერიდეთ, როცა კოცონთან მეგობრებს საინტერესო ისტორიას მოუყვებით.


როგორ მოვიშოროთ კოღოები ბინაში?


თუ ჯერ არ შეგიძენიათ ფუმიგატორი (ანუ სახრჩოლებელი) და არც ქიმიური ნივთიერებების გამოყენება გინდათ, კოღოებთან ბრძოლა სხვა საშუალებებითაც შეიძლება.


1. ციტრუსები და ნიორი


კოღოებს ძალიან არ მოსწონთ ნივრისა და ციტრუსების სუნი. მათ დასაფრთხობად, წაუკიდეთ ცეცხლი ნივრის თეთრ ფუძეს, რომელზეც ნივრის კბილებია მიმაგრებული, და კოღოების საძულველი არომატი მთელ ოთახს გაავსებს. ციტრუსები კოღოებს შეებრძოლება, თუ გამომხმარ ქერქს ცეცხლს წაუკიდებთ და მხრჩოლავს საფერფლეზე ან ყავის ფინჯანში დატოვებთ.


2. მცენარეები


კოღოებისგან ბინის დაცვაში პომიდორი და პიტნაც დაგეხმარებათ, რომელთა სუნიც კოღოებს აფრთხობს. ჩარგეთ მათი ნერგები ქოთნებში და დადგით აივანზე ან ფანჯრის რაფაზე - კერძშიც გამოგადგებათ და კოღოებსაც დააფრთხობთ.


3. ეთერზეთები


კოღოებთან საბრძოლველად შეგიძლიათ სხვადასხვა ეთერზეთები გამოიყენოთ - ევკალიპტის, ლავანდის, გერანის, მიხაკისა და ჩაის ხის. მათი მოხმარება რამდენიმე გზით შეიძლება:


o   ეთერზეთით გაჟღენთილი ბამბა დადეთ ფანჯრის რაფაზე ან საწოლთან;


o   გამოიყენეთ არომატული ნათურები, რომლებიც ზეთს გაათბობს და სუნს მთელ ბინაში გაავრცელებს;


o   თუ არომატული ნათურები არ გაქვთ, ჩვეულებრივი სანთელიც გამოდგება - საკმარისია რამდენიმე წვეთი ზეთი ფითილის გვერდით მოხვდეს და ბინა თქვენთვის სასიამოვნო და კოღოებისთვის საძულველი არომატით გაივსება;


o   გამოიყენეთ ფუმიგატორი, ანუ სახრჩოლებელი, გაჟღინთეთ უკვე დამუხტული ფირფიტა ეთერზეთით.


4. ვენტილატორი


ჰაერის ნაკადი მიმართეთ იქითკენ, საიდანაც კოღოების შემოტევაა მოსალოდნელი. ეს მათ გზას აუბნევს და თქვენამდე ვეღარ მოაღწევენ.

დღის ჰოროსკოპი

21 იანვრის ასტროლოგიური პროგნოზი

რას გვირჩევენ ვარსკვლავები 21 იანვრისთვის ჯანმრთელობის, ბიზნესის და სიყვარულის მიმართულებით?
საკნატუნო ამბები

ანტონის ცაპატაკისი: „ეს ჩემი თავისუფლებაა“

ნუ გადააჭარბებ სიჩქარეს - დღეს ეს მოწოდება და ამაში მოზარდების დარწმუნება ერთ-ერთი მთავარი მიზანია ანტონის ცაპატაკისისთვის, რომელიც ბერძენი პარალიმპიელი მოცურავე და მსოფლიო ჩემპიონია... 
იცით თუ არა...

სკოლაში ექსპერიმენტი ჩაატარეს - ხელების სისუფთავე პურის ნაჭრით შეამოწმეს!

შედეგი იმდენად შთამბეჭდავი გამოდგა, რომ გადაწყვიტეს, ეს ამბავი სოციალური ქსელით გაეზიარებინათ. 
ამბები

აღიარება ჩუმი გმირობისთვის

მარინა გოგიჩაიშვილი ჯიპიაი ჰოლდინგის თანამშრომელია. ის ვენის სადაზღვევო ჯგუფის ყოველწლიური კონკურსის -  ჯილდო  მოხალისეობრივი საქმიანობისათვის - AWARD IN RECOGNITION OF COMMITMENT TO VOLUNTARY ACTIVITIES გამარჯვებული გახდა. მან ჯილდო ლეიკემიით დაავადებული პაციენტების დასახმარებლად  საქველმოქმედო ორგანიზაციის დაარსებისთვის მიიღო.
დღის ჰოროსკოპი

20 იანვრის ასტროლოგიური პროგნოზი

რას გვირჩევენ ვარსკვლავები 20 იანვრისთვის ჯანმრთელობის, ბიზნესის და სიყვარულის მიმართულებით?
საკნატუნო ამბები

ყველაზე ზარმაცებისთვის: ვისკი კაფსულებში (video)

ამ სიახლის ავტორია ალკოჰოლის შოტლანდიური ბრენდი The Glenlivet. 
მოძღვარი გვირჩევს

დღეს ქრისტიანის ცხოვრებაში პირველი საიდუმლო იღებს სათავეს

გილოცავთ ყველა ქრისტიანს - საქართველოს მართლმადიდებლური ეკლესია, ისევე, როგორც მთელი მართლმადიდებლური სამყარო, აღნიშნავს ნათლისღებას უფლისა ჩვენისა იესო ქრისტესი.   
დღის ჰოროსკოპი

19 იანვრის ასტროლოგიური პროგნოზი

რას გვირჩევენ ვარსკვლავები 19 იანვრისთვის ჯანმრთელობის, ბიზნესის და სიყვარულის მიმართულებით?
საკნატუნო ამბები

რამოდენიმე დღის წინ გადაღებულმა ამ ფოტომ ბევრს იმედი ჩაუსახა

გამოუცდელი თვალისთვის ეს, უბრალოდ, ლამაზი ფოტოა, რომელზეც დედა-ვეფხვი თავის ბოკვერებთან ერთად სეირნობს, მაგრამ - მხოლოდ გამოუცდელი თვალისთვის...
დღის ჰოროსკოპი

18 იანვრის ასტროლოგიური პროგნოზი

რას გვირჩევენ ვარსკვლავები 18 იანვრისთვის ჯანმრთელობის, ბიზნესის და სიყვარულის მიმართულებით?
სილამაზე/ჯანმრთელობა

როგორ დავძლიოთ ზამთრის №1 გამოწვევა - თმის გამოშრობა?

ალბათ, ბევრისთვის არ არის უცხო ზამთარში, თითქოს, დამუხტული, უფორმოდ აფუებული და გამომშრალი თმა. ეს ტენიანობის ნაკლებობის ბრალია. სწორედ ამიტომ, უნდა გავითვალისწინოთ რამდენიმე რჩევა, რათა ზამთარშიც შევინარჩუნოთ მბზინვარე თმა.  
ამბები

შეხვედრა იტალიის უნივერსიტეტების წარმომადგენლებთან

20-24 იანვარს სსიპ განათლების საერთაშორისო ცენტრში, საუნივერსიტეტო მხარდაჭერის პროგრამის ფარგლებში, პროექტის - „Doctorate Lab მომავალი დოქტორანტებისთვის“ - საინფორმაციო შეხვედრები ჩატარდება.