ვანიკო გალუაშვილი: „საქართველო მსოფლიოსთვის ხმების დიდი საბადოა“

ვანიკო გალუაშვილი: „საქართველო მსოფლიოსთვის ხმების დიდი საბადოა“

სტუმრად ცნობილებთან

25 იანვარი 18:00, 2018 წელი

ყველაფერი 5 წლის ასაკიდან დაიწყო. მის კარიერში ანზორ ერქომაიშვილმა, ნოდარ ანდღულაძემ, ჯანსუღ კახიძემ და გურამ მელივამ გადამწყვეტი როლი ითამაშეს. Funtime-ის სტუმარია თბილისის ოპერისა და ბალეტის თეატრის მომღერალი, ბარიტონი ვანიკო გალუაშვილი.

- ბავშვობიდან უდიდესი ადამიანების გვერდით ვიზრდებოდი. 5 წლის ვიყავი, როცა პაპამ ბიჭუნათა ანსამბლ „მართვეში“ მიმიყვანა, რომლის ხელმძღვანელი ანზორ ერქომაიშვილი გახლდათ. ყოველთვის ვგრძნობდი, რომ მუსიკოსი უნდა ვყოფილიყავი, თუმცა სკოლის შემდეგ თეატრალურ ინსტიტუტში ჩაბარებაც მინდოდა. სწორედ ამ პერიოდში ნოდარ ანდღულაძესთან მოვხვდი და გადაწყვეტილება მან შემაცვლევინა. კონსერვატორიაში ვოკალის ფაკულტეტზე ჩავაბარე, სადაც მაგისტრატურაც გავიარე.


- ოპერის თეატრში როგორ აღმოჩნდით?
- ოპერა იტალიურმა რომანსმა dicitencello vuie-მ შემაყვარა. სურვილი გამიჩნდა, რომ მეც მემღერა. ასე აღმოვჩნდი მუსიკალურ სასწავლებელში პედაგოგ გოდერძი გველესიანთან. შემდეგ იყო კონსერვატორია. პირველი კურსის შემაჯამებელ კონცერტს ოპერის თეატრის მაშინდელი ხელმძღვანელობა ესწრებოდა. მათ შორის - ჯანსუღ კახიძე და თამაზ ლაფერაშვილი. კონცერტის შემდეგ მათ თეატრის სოლისტობა შემომთავაზეს, თუმცა ჩემს მაესტროსთან, ნოდარ ანდღულაძესთან შეთანხმებით, უარი ვთქვი, რათა ვოკალურ განვითარებაში ხელი არ უნდა შემშლოდა. ოპერის სოლისტი ოდნავ მოგვიანებით - 21 წლისა გავხდი. ერთ დღეს „დაისის“ წარმოდგენაზე დავაგვიანე. დარბაზში შესულს ერთი ლოჟა დამხვდა ღია და იქ შევედი, თუმცა გვედით ვინ იჯდა, არ შემინიშნავს. შესვენებაზე, შუქი რომ აინთო, ლოჟაში თეატრის ხელმძღვანელობა დავინახე. ჯანო კახიძემ რომ დამინახა, დანარჩენებს მიუტრიალდა: ნახეთ, თავის ფეხით მოვიდაო. მაშინვე კონტრაქტზე მომაწერინეს ხელი. როგორც აღვნიშნე, იმ დროს 21 წლის ვიყავი. ალბათ, ძალიან გამიმართლა, რომ ჩემს ცხოვრებაში ჯერ შესანიშნავი მუსიკოსი ანზორ ერქომაიშვილი იყო, შემდეგ ნოდარ ანდღულაძე და ჯანსუღ კახიძე.



- ოპერის თეატრთან წლები გაკავშირებთ. ეს რას ნიშნავს თქვენთვის?
- 21 წელია, თეატრის სოლისტი ვარ და ჩემთვის ეს ყველაფერს ნიშნავს. სხვაგან ერთი დღეც არ მიმუშავია. ბევრს ჰგონია, რომ სცენაზე დგომა ძალიან ადვილია, თუმცა ეს უდიდეს პასუხისმგებლობასთან არის დაკავშირებული. მით უმეტეს, ჩვენს თეატრში, რომელიც დიდი ტრადიციების მატარებელია. ხელოვნების ნებისმიერ დარგში ხელოვანი ინსტრუმენტთან ზის ან ხელში უჭირავს. ჩვენ კი ინსტრუმენტი ყელში გვაქვს. ზედმეტი ჰაერი რომ ჩავისუნთქოთ, ამანაც შეიძლება დისკომფორტი შეგვიქმნას. სახის მიმიკებზეც კი საათობით ვმუშაობ. გარდა ამისა, ნაწარმოებზე, რომელიც უნდა დავდგათ, ბევრს ვკითხულობ. სტუდენტებს სულ ვეუბნები, რომ ახლა ყველაფერი შედარებით მარტივადაა, წავიდნენ უცხოეთში და იქ მიიღონ გამოცდილება, რადგან ის დიდი შრომა, რასაც საოპერო ხელოვნება მოითხოვს, აქ ნაკლებად ფასდება. ინტერნეტში საუკეთესო პედაგოგის გაკვეთილებიც შეგვიძლია მოვისმინოთ და ჩვენს ქვეყანაში მაგარი მუსიკოსები ჩამოჰყავთ კიდეც. საქართველო მსოფლიოსთვის ხმების დიდი საბადოა.


- 21 წლის განმავლობაში თქვენ მიერ შესრულებულ როლებზე რა შეგიძლიათ გვითხრათ?
- უამრავი როლი მაქვს შესრულებული - „აბესალომ და ეთერი“, „კარმენი“ , „სიყვარულის ნექტარი“... რომელი ერთი ჩამოგითვალოთ? ჯანო კახიძემ თეატრში რომ მომიყვანა, ყველაფერს - პირველ და მეორე პარტიებსაც ვმღეროდი. ეტაპობრივად ვვითარდებოდი. მახსოვს, ერთხელ „ქეთო და კოტე“ გადიოდა. საქოს როლის შემსრულებელი ავად გახდა და მისი პარტია ორ დღეში მომამზადებინეს. სცენაზე ოპერის ლეგენდები - თემურ გუგუშვილი, ომარ ხოფერია, მზია დავითაშვილი, თამარ გურგენიძე, ჯემალ მდივანი, ლიანა კალმახელიძე იდგნენ და ამ დროს, 22 წლის ასაკში მეც მათ გვერდით ვიყავი!


- გარდა ამისა, ანსამბლ „სულიკოს“ ხელმძღვანელიც ხართ.
- ფოლკლორის მომღერლები საოპერო ნაწარმოებებსაც რომ ასრულებდნენ ან პირიქით, ასეთი პრეცედენტი მსოფლიოში არ არსებობს, თუმცა გადაწყდა, რომ ოპერის თეატრთან არსებული ანსამბლი შეგვექმნა. უკვე 10 წელია, რაც „სულიკოს“ვხელმძღვანელობ და ამ ხნის განმავლობაში 45 გასტროლზე ვართ ნამყოფები. ვამაყობ იმით, რომ ამ ანსამბლის ისტორიას ჩვენ ვქმნით.

ფოტოგრაფი: ალექსანდრე სხულუხია
დღის ჰოროსკოპი

13 ივლისის ასტროლოგიური პროგნოზი

რას გვირჩევენ ვარსკვლავები 13 ივლისისთვის ჯანმრთელობის, ბიზნესის და სიყვარულის მიმართულებით?
დღის ჰოროსკოპი

12 ივლისის ასტროლოგიური პროგნოზი

რას გვირჩევენ ვარსკვლავები 12 ივლისისთვის ჯანმრთელობის, ბიზნესის და სიყვარულის მიმართულებით?
დღის ჰოროსკოპი

11 ივლისის ასტროლოგიური პროგნოზი

რას გვირჩევენ ვარსკვლავები 11 ივლისისთვის ჯანმრთელობის, ბიზნესის და სიყვარულის მიმართულებით?
NEW

„ვისოლი“ და „უნიქარდი“ თანამშრომლობის 10 წლის იუბილეს აღნიშნავენ

„ვისოლი“ და „უნიქარდი“ თანამშრომლობის 10 წლის იუბილეს აღნიშნავენ და ერთგულებისათვის ჯილდოდ მომხმარებლებს საიუბილეო სიურპრიზებს სთავაზობენ.
დღის ჰოროსკოპი

10 ივლისის ასტროლოგიური პროგნოზი

რას გვირჩევენ ვარსკვლავები 10 ივლისისთვის ჯანმრთელობის, ბიზნესის და სიყვარულის მიმართულებით?
დღის ჰოროსკოპი

9 ივლისის ასტროლოგიური პროგნოზი

რას გვირჩევენ ვარსკვლავები 9 ივლისისთვის ჯანმრთელობის, ბიზნესის და სიყვარულის მიმართულებით?
ამბები

მენტალური ჯანმრთელობის ახალი ცენტრი და უფასო პროგრამები - „ევროპაბეთის“ მხარდაჭერით Mental Hub გაიხსნა

ბოლო რამდენიმე წელია სოციალური პასუხისმგებლობა ბიზნესის სფეროს სტრატეგიის ნაწილი გახდა, - ამის შესახებ ინფორმაციას „ევროპაბეთი“ ავრცელებს.
დღის ჰოროსკოპი

8 ივლისის ასტროლოგიური პროგნოზი

რას გვირჩევენ ვარსკვლავები 8 ივლისისთვის ჯანმრთელობის, ბიზნესის და სიყვარულის მიმართულებით?
ამბები

Covid-19-თან მებრძოლ სამედიცინო პერსონალს Responsible.ge ფსიქოთერაპიის კურსებს დაუფინანსებს

 „ევროპაბეთის“ მხარდაჭერით ახალი ფსიქორეაბილიტაციის ცენტრი „მენტალ ჰაბი“ გაიხსნა  Responsible.ge-ს დაფინანსებით ფსიქორეაბილიტაციის კურსის გავლას თამაშზე დამოკიდებული ადამიანები „მენტალ ჰაბშიც“ შეძლებენ
ამბები

„ჯიპიაი ჰოლდინგის“ ტრანსფორმაციის სტრატეგია: წინ, ახალი რეალობისკენ!

„ჯიპიაი ჰოლდინგი“ ბაზარზე განვითარების ახალ სტრატეგიას აანონსებს, რაც საქართველოში და მსოფლიოში მიმდინარე ტენდენციებს ეხმიანება და გრძელ ვადაში კომპანიის სწრაფ ზრდას უზრუნველყოფს, - ამის შესახებ „ჯიპიაი ჰოლდინგში“ აცხადებენ.
დღის ჰოროსკოპი

7 ივლისის ასტროლოგიური პროგნოზი

რას გვირჩევენ ვარსკვლავები 7 ივლისისთვის ჯანმრთელობის, ბიზნესის და სიყვარულის მიმართულებით?
ამბები

9 რამ, რაც ყველას გამოგვივლია გამოცდების წინ

ტექნიკის ბრენდმა „ზუმერმა“ წინასაგამოცდოდ აბიტურიენტების წახალისება გადაწყვიტა და ვიდეორგოლში ის მომენტები შეკრიბა, რომელიც ყველას გამოგვივლია გამოცდების წინ.