კახა გოგიძე: „ლუნა პრეზიდენტის შებმას კი შეძლებს, მაგრამ გაცურებას - ვერა“

სტუმრად ცნობილებთან

2 მაისი 20:00, 2018 წელი

ჩცდ-ს პერსონაჟს, პრეზიდენტ სულიკო დარდიანიძის როლის შემსრულებელს, მსახიობსა და რეჟისორს კახა გოგიძეს ინტერვიუსთვის „თავისუფალ თეატრში“ ვესტუმრეთ. რით ჰგავს საკუთარ გმირს ან როგორ მოირგო პრეზიდენტის ამპლუა? მსახიობი Funtime-ის კითხვებს პასუხობს.

- ჩემმა მეგობარმა, მსახიობმა ეკა მჟავანაძემ დამირეკა და მითხრა, ჩცდ-ში გვჭირდება მომღერალი კაცი, რომელსაც ქალები ძალიან უყვარს და ამ როლზე შენ განიხილებიო. ახალციხეში სპექტაკლს ვდგამდი, როცა ტექსტი გადმომიგზავნა. ვიდეო გადავიღე, გადავგზავნე და პრეზიდენტის როლზეც დამამტკიცეს.


- პრეზიდენტის ამპლუა როგორ მოირგეთ?
- თითქმის მთელი ჩემი ცხოვრება ამ სფეროში ვმოღვაწეობ. მსახიობობის გარდა, სხვადასხვა თეატრებში მიწვევით სპექტაკლებსაც ვდგამ. ამიტომ პრეზიდენტის როლის შესრულებაც ჩემი პროფესიაა და შესაბამისად, არ გამჭირვებია ამ გმირის განსახიერება.


- ბატონ გიორგი მარგველაშვილსა და სულიკო დარდიანიძეს შორის რაიმე მსგავსებას ხედავთ?
- იმას ვერ გეტყვით, რომ სულიკო დარდიანიძე ჩვენს რომელიმე პრეზიდენტს ჰგავს. ერთადერთ მსგავსებას, რასაც ჩემს პერსონაჟსა და ბატონ გიორგი მარგველაშვილს შორის ვხედავ, ეს ისაა, რომ ქვეყნის პრეზიდენტში ნეგატივს ვერ ვხედავ. პოზიტიური ადამიანია და მიყვარს მისი საუბრის მოსმენა.


- ეკრანიდან მოსმენას გულისხმობთ თუ პირადადაც გაქვთ შეხება?
- ბატონ გიორგის პირადად არ ვიცნობ და არც არასდროს მქონია შეხება, თუმცა დარწმუნებული ვარ, დადებითი ადამიანი იქნება. მისი მეუღლე, პირველი ლედი მსახიობი რომ არის, ეს ძალიან მახარებს.


- ჩცდ-ში სიტუაცია იძაბება. როგორ ფიქრობთ, ლუნა რას უმზადებს პრეზიდენტს?
- ლუნა რასაც ხლართავს, კარგად ჩანს. პრეზიდენტის შებმას კი შეძლებს, მაგრამ გაცურებას - ვერა, რადგან სულიკო გუშინდელი ბიჭი არაა. ისე, კი ბატონო, შეაბას!


- პოლიტიკაში რამდენად წარმოგიდგენიათ საკუთარი თავი?
- გაბრაზებულ გულზე პრეზიდენტობა ხშირად მინდა.


- პრეზიდენტი რომ იყოთ, რას შეცვლიდით?
- გადამფრენ ფრინველზე ნადირობა, რაც სეზონზე ნებადართულია, ძალიან მიყვარს. რეგიონებში გასვლა ხშირად მიწევს და ვხვდები, რომ ქვეყანა ცარიელია. გასულ წელს შქმერში ვიყავი, რომელიც ზამთარში ისე იცლება, ერთი ადამიანი რჩება. ასე არაერთი სოფელი ცარიელდება და პრეზიდენტი რომ ვიყო, მივიღებდი კანონს, რომლის მიხედვითაც ადამიანს, რომელსაც დიდი სასჯელი აქვს, საკანში ჯდომას იმ დაცარიელებულ სოფელში გავუშვებდი. დიდი სურვილი მაქვს, პატრიოტი ვიყო. მიყვარს ჩემი დროშა, ჰიმნი, გერბი...


- თქვენ რით ჰგავხართ სულიკო დარდიანიძეს?
- მხოლოდ იმით, რომ მეც და ჩემი პერსონაჟიც ვმღერით. იმედია, ამას ამპარტავნობაში არავინ ჩამომართმევს. სულიკოსგან განსხვავებით, სუფრასთან სიმღერა არ მიყვარს.


- თუმცა ერთი პერიოდი ანსამბლ „ალილოშიც“ მღეროდით...
- „ალილოში“ ერთი წელი გავატარე. მიუხედავად იმისა, რომ არაერთი შემოთავაზება მქონია, ჩემთვის სიმღერა პრიორიტეტული არასდროს ყოფილა.


- ,,ალილოში“ თქვენს მეგობართან, ლაშა ღლონტთან ერთად მღეროდით, რომელიც დღეს ჩცდ-ში თქვენი პერსონაჟის ძმაკაცის როლშია. მეგობრების ერთ სცენაში თამაში დისკომფორტია თუ პირიქით?
- ლაშა ღლონტი და დათო არჩვაძე წლებია, ჩემი მეგობრები არიან და სერიალშიც ერთად აღმოვჩნდით. ეს კიდევ უფრო დიდი კომფორტია და მათთან ერთად გადასაღებ მოედანზე იმედიანად ვარ. ერთი სცენის გადაღება მახსენდება, როცა ლაშასთვის „გიტარა გააჩერე“ უნდა მეთქვა, რაც გამიჭირდა. ამ კაცს სიმღერა შეაწყვეტინო, ნიშნავს იმას, რომ ქირურგს ოპერაცია შეაჩერებინო.


- გინდათ თქვათ, რომ, თქვენი პერსონაჟისგან განსხვავებით, ქეიფსა და სიმღერას ნაკლებ დროს უთმობთ?
- 5-6 წლის წინათ მქონდა პერიოდი, როცა ბევრს ვქეიფობდი. ამის გამო ღვინოზავრსაც მეძახდნენ. ვსვამდი და არასდროს ვთვრებოდი. ეს სულაც არ იყო ჩემი ძლიერი მხარე. ვოცნებობდი, სამ ჭიქაში დავმთვრალიყავი. ახლა კი ალკოჰოლს საერთოდ აღარ ვიღებ.


- ალკოჰოლზე უარის თქმა გაგიჭირდათ?
- არა, რადგან ეს გადაწყვეტილება ჩემში წლების მანძილზე მწიფდებოდა. ტყუილს ავიტან და ადამიანს ღალატსაც ვაპატიებ, მაგრამ სიყალბის ატანა არ შემიძლია. სუფრაც, დალევაც და ერთი და იგივე სადღეგრძელოც ყალბი იყო.


- ალკოჰოლსა და ქეიფზე უარის თქმის შემდეგ რა შეიცვალა თქვენს ცხოვრებაში?
- სამყაროს გაცილებით რეალურად ვუყურებ და კარგად ვიცი, რა არის ჩემი ვალდებულება. სანამ ამ გადაწყვეტილებას მივიღებდი, 160 კილოგრამს ვიწონიდი. 4 წელია, რაც 84 კილოგრამი დავიკელი. ფაქტობრივად, ერთი კაცი შემომაკვდა.


- ამხელა წონის დაკლება როგორ მოახერხეთ?
- ჯანმრთელობასთან დაკავშირებით პრობლემები შემექმნა. მოვასწარი, რომ ინსულტი ან შაქრიანი დიაბეტი არ დამემართა. კუჭის ოპერაცია გავიკეთე და ნელ-ნელა დაკლებაც შევძელი. კვებას ვაკონტროლებ და ვვარჯიშობ.


- აქსესუარები ყოველთვის გიყვარდათ თუ გარეგნული ცვლილების შემდეგ მოირგეთ?
- ყოველთვის მიყვარდა. კაჭკაჭი ვარ! მამაჩემი მეუბნება, რკინაკავეული მოიხსენიო. მეგობრები მეხუმრებიან, წვიმაში გარეთ ნუ გახვალ, მეხი არ დაგეცესო.


- ოჯახზეც გვიამბეთ...
- დედაჩემი, ლია სულუაშვილი, რომელიც ჩცდ-ში სკოლის დირექტორის, გრიზელდას როლს ასრულებდა, მესხეთის სახელმწიფო დრამატული თეატრის სამხატვრო ხელმძღვანელია. მამა, ელგუჯა გოგიძეც ამავე თეატრში თამაშობდა და ამჟამად პენსიაშია. ჩემი მეუღლეც მესხეთის თეატრშია დასაქმებული და უფროსი გოგონაც. სამი შვილის მამა ვარ. ლიაკო გოგიძე 27 წლის გახლავთ. 25 წლის ნიკოლოზიც მსახიობია. მოძრაობისა და ილიაუნის თეატრში თამაშობს. უმცროსი შვილი, ლაზარე 10 წლის გახლავთ. თავისუფალი სივრცის შეზღუდვის კატეგორიული წინააღმდეგი ვარ, თუმცა მისი მსახიობობა კატეგორიულად არ მინდა.


- რატომ?
- მამა, დედა, ბაბუა, ბებია, ძაღლი, კატა - ყველა რომ მსახიობია, ოჯახური ვახშამი კი არა, დასის კრებაა ხოლმე.


 

NEW

„ევროპაბეთი“თამაშის წესების შეცვლას განაგრძობს

„ევროპაბეთი“ მომხმარებლებს მაგიდის თამაშების ახალ, უალტერნატივო რეალობას, სათამაშო ინდუსტრიას კი კიდევ ერთ გამოწვევას სთავაზობს. 17 სექტემბრიდან ნარდი, ბურა და დომინო  „ევროპაბეთზე“ სრულიად უფასოა. პოპულარული სამაგიდო თამაშებით გართობა მსურველებს  0%-ანი კომპანიის წილით და ნულოვანი ბალანსით შეუძლიათ.  
დღის ჰოროსკოპი

23 სექტემბრის ასტროლოგიური პროგნოზი

რას გვირჩევენ ვარსკვლავები 23 სექტემბრისთვის ჯანმრთელობის, ბიზნესის და სიყვარულის მიმართულებით?
NEW

„თბილისის დებატების სკოლა“ აცხადებს მოსწავლეების შერჩევის კონკურსს

საერთაშორისო დებატების საგანმანათლებლო ასოციაციის (IDEA) წევრი ორგანიზაცია საქართველოს დებატებისა და განათლების ინსტიტუტი (GIDE) აცხადებს მოსწავლეთა მიღებას „თბილისის დებატების სკოლაში“, პროექტ „დებატები უკეთესი განათლებისთვის“ ფარგლებში, რომელიც მხარდაჭერილია გუდავაძე-პატარკაციშვილის ფონდის მიერ. კონკურსში მონაწილეობის მისაღებად, იმ მოსწავლეებს, ვისაც სურს დაეუფლოს დებატების ტექნიკას და კამათის ხელოვნებას, შეუძლიათ შეავსონ აპლიკაციის ფორმა ორგანიზაციის Facebook გვერდზე shorturl.at/dqzQ3
დღის ჰოროსკოპი

22 სექტემბრის ასტროლოგიური პროგნოზი

რას გვირჩევენ ვარსკვლავები 22 სექტემბრისთვის ჯანმრთელობის, ბიზნესის და სიყვარულის მიმართულებით?
დღის ჰოროსკოპი

21 სექტემბრის ასტროლოგიური პროგნოზი

რას გვირჩევენ ვარსკვლავები 21 სექტემბრისთვის ჯანმრთელობის, ბიზნესის და სიყვარულის მიმართულებით?
დღის ჰოროსკოპი

20 სექტემბრის ასტროლოგიური პროგნოზი

რას გვირჩევენ ვარსკვლავები 20 სექტემბრისთვის ჯანმრთელობის, ბიზნესის და სიყვარულის მიმართულებით?
კულინარია

ნუშის რძე - მარტივი რეცეპტი სახლში მომზადებისთვის

ნუშის რძე მსუბუქი სასმელია, გამოკვეთილი არომატის გარეშე, თუმცა ნუშის მდიდარი გემოთი. ამასთან, სურვილის მიხედვით გემოს შემსუბუქება ან გამძაფრებაც შეგიძლიათ  - მეტი ან ნაკლები წყლის დამატებით. 
დღის ჰოროსკოპი

19 სექტემბრის ასტროლოგიური პროგნოზი

რას გვირჩევენ ვარსკვლავები 19 სექტემბრისთვის ჯანმრთელობის, ბიზნესის და სიყვარულის მიმართულებით?
დღის ჰოროსკოპი

18 სექტემბრის ასტროლოგიური პროგნოზი

რას გვირჩევენ ვარსკვლავები 18 სექტემბრისთვის ჯანმრთელობის, ბიზნესის და სიყვარულის მიმართულებით?
იცით თუ არა...

ესეც, ასი ტრილიონი დოლარი!

დიახ, არ მოგეჩვენათ - ქაღალდის ამ ერთი ბანკნოტის ნომინალი 100 ტრილიონი დოლარია... ზიმბაბვეში! მაინც, რისი შეძენა შეიძლებოდა ამ თანხად?
NEW

დღეიდან სამაგიდო თამაშები ევროპაბეთზე უფასო ხდება

„ევროპაბეთი“ ინდუსტრიაში თამაშის წესების შეცვლას განაგრძობს და მომხმარებლებს მაგიდის თამაშების ახალ, უკონკურენტო რეალობას სთავაზობს. დღეიდან და სამუდამოდ ნარდი, ბურა და დომინო „ევროპაბეთზე“ სრულიად უფასო ხდება. პოპულარული სამაგიდო თამაშებით გართობას მსურველები 0%-იანი კომპანიის წილით და ნულოვანი ბალანსით შეძლებენ.
დღის ჰოროსკოპი

17 სექტემბრის ასტროლოგიური პროგნოზი

რას გვირჩევენ ვარსკვლავები 17 სექტემბრისთვის ჯანმრთელობის, ბიზნესის და სიყვარულის მიმართულებით?