ენტონი ჰოპკინზის ფილმოგრაფია 110–ზე მეტ ფილმს ითვლის, ამათგან უდიდეს ნაწილში მთავარი ან მეორეხარისხოვანი როლი აქვს ნათამაშები, მცირე ნაწილი კი საკუთარი რეჟისურითაა გადაღებული. ჰოპკინზი რამდენიმე ფილმის კომპოზიტორიცაა, ასევე პროდიუსერიც და სცენარის ავტორიც.
გთავაზობთ ცნობილ გამონათქვამებს:
ცხოვრების წესი - ნურაფერს ითხოვ და ნურაფერს ელი, შეხედე ყველა პრობლემას იუმორით და მსუბუქად!
საუკეთესოები გვიან ვითარდებიან! – მასწავლებლები იდიოტს მეძახდნენ, რადგან დისლექსია მტანჯავდა და ყურადღების კონცენტრირება მიჭერდა, საკუთარ თავში ჩაკეტილი ბავშვი ვიყავი და თანატოლებთან ურთიერთობას გავურბოდი, არაფრის კეთება არ შემეძლო და სწორედ იმიტომ გავხდი მსახიობი.
ცხოვრების ფილოსოფია – ახალგაზრდობაში ხშირად მიმეორებდნენ, რომ ძალიან „უიმედო“ ვიყავი და ხეირი ჩემგან არასდროს იქნებოდა, ამიტომ ყველაფერი კარგი, რაც ჩემს ცხოვრებაში მოხდა, მარტო სხვებისთვის კი არა, ჩემთვისაც დიდი სიურპრიზი აღმოჩნდა.
საძულველი თეატრი – გულწრფელად არ მესმის მათი, ვინც თეატრზე გიჟდება. რა საჭოროა ხმაურიანი მონოლოგები და ყალბი მანჭვა სცენაზე?! თეატრი წარსულს ჩაბარდა და არ ვიცი, რატომ უნდა შევასრულო როლი, რომელიც ჩემამდე ათასმა მსახიობმა შეასრულა?!
მორალური ნორმები – ზნეობა და თავმდაბლობა ძალიან გამაღიზიანებელია. რა თქმა უნდა, ზოგჯერ მეც ვითვალისწინებ მორალურ ნორმებს, მაგრამ, სინამდვილეში ყველაფერი ყალბია.
მარტოობა – ჩემი მარტოობა ძალიან მომწონს. არავის ვაძლევ ახლოს მოსვლის უფლებას. მართალია, შემიძლია ვიყო მეგობრული, მაგრამ ჩემში ყოველთვის სიცარიელეა, რადგან არც თანაგრძნობა მაქვს სხვების მიმართ, არც პატივისცემა.
საზოგადოებრივი აზრი – არ მაინტერესებს, ჩემზე სხვები რას ფიქრობენ. მე ისეთი ვარ, როგორიც ვარ, ვაკეთებ იმას, რასაც მინდა და ვცხოვრობ ისე, როგორც შემიძლია. სწორედ ესაა ნამდვილი ცხოვრება, სადაც არც მოგება შეიძლება, არც წაგება, არც კონკურენციაა საჭირო, არც საკუთარი უპირატესობის დამტკიცება. ვფიქრობ, მე სხვებზე თავისუფალი ვარ, რადგან არც მოპოვება მინდა არაფრის, არც დაკარგვის მეშინია.