ჟურნალი „ფორბსის“ 2015 წლის მონაცემებით, 60 წელს გადაცილებული ალ ვალიდი საუდის არაბეთის უმდიდრესი ადამიანია, თუმცა 32-მილიარდიანი ქველმოქმედება მსოფლიოს ჯერ არ ახსოვს.
„ეს ჩემი ვალია კაცობრიობის წინაშე, თუმცა ვადები განსაზღვრული არ მაქვს. თავის დროზე, მთელი ჩემი ქონება კეთილი საქმეების კეთებას მოხმარდება. ამჟამადაც ჩემი შემოსავლის მნიშვნელოვანი ნაწილი ამაზე იხარჯება. ამ ფულს სამარეში არ წავიღებ. მინდა, რომ ის კეთილ საქმეს ემსახუროს, რადგან გარშემო დახმარების მომლოდინე უამრავი ადამიანია. ვიღაც, ბოლოს და ბოლოს, განიკურნება, ვიღაც განათლებას მიიღებს და ნორმალურ ცხოვრებას აიწყობს. ეს ჩემი ვალია. შემიძლია, სამყარო ცოტა უკეთესი გავხადო და ამას აუცილებლად გავაკეთებ“, - განაცხადა პრინცმა.
ცნობილია, რომ ალ ვალიდმა ქონება საინვესტიციო პროექტებითა და აქციების შეძენით დააგროვა.
იმ კომპანიებს შორის, სადაც პრინცმა ინვესტიციები ჩადო, არიან: Apple, Twitter, Citibank, Four Seasons და მრავალი სხვა.
ალ ვალიდის თქმით, ქველმოქმედებაზე ბილ გეიტსმა შთააგონა, რომელმაც საკუთარი საქველმოქმედო ფონდი Gates Foundation გახსნა.
პრინცის შვილებმა მამის გადაწყვეტილება მოიწონეს.
ცნობისთვის, მისი აღმატებულება პრინცი ალ ვალიდ ბინ ტალალ ბინ აბდულაზიზ ალ-საუდი 2015 წელს საქართველოსაც ეწვია, საინვესტიციო კლიმატის გასაცნობად.