ნაპოლეონ ბონაპარტისთვის ორეულებს საფრანგეთსა და იტალიაში ეძებდნენ. მისი ერთ-ერთი „დუბლიორი“ ვინმე ფრანსუა რობო იყო. მას შემდეგ, რაც იმპერატორი წმინდა ელენეს კუნძულზე გადაასახლეს, რობო თავის სოფელში დაბრუნდა, თუმცა რამდენიმე წლის შემდეგ საიდუმლოებით მოცულ ვითარებაში გაუჩინარდა.
ამერიკის შეერთებულ შტატებში პრეზიდენტების შემცვლელების პრაქტიკა შორეულ წარსულშიც არსებობდა. ზოგიერთი ისტორიკოსის მტკიცებით, ჯორჯ ვაშინგტონს პირველი საპრეზიდენტო ვადის პერიოდში ხშირად ცვლიდა „ბავარიელი ილუმინატების“ დამფუძნებელი ადამ ვეისგაუპტი. ამ დაუჯერებელი ვერსიის თანახმად, ვეისგაუპტმა ნამდვილი ვაშინგტონი მოკლა და მისი ადგილი დაიკავა.
ამბობენ, რომ ჰიტლერს ომამდეც და ომის დროსაც რამდენიმე ორეული ჰყავდა. ფიურერმა ერთი 1942 წელს მოკლა, რადგან იეჭვა, რომ ორეული მისი ადგილის რეალურად დაკავებას აპირებდა. მეორე (გუსტავ ვალერი) 1945 წლის აპრილში ჰიტლერის ბრძანებით, საბჭოთა ხელმძღვანელობისთვის კვალის ასარევად, მოწამლეს და თავში გასროლით, მისი თვითმკვლელობის იმიტაცია მოაწყვეს. ჰიტლერის მესამე ორეული, ასევე მოწინააღმდეგეების დასაბნევად, ნაძარცვი ქონების სხვადასხვა ქვეყანაში გადამალვით იყო დაკავებული. სად იყო ამასობაში ნამდვილი დიქტატორი, არავინ იცის.
სტალინი და მისი ორეული ფელიქს დადაევი
ზუსტად არავინ იცის, რამდენი ორეული ჰყავდა სტალინს, რადგან ეს სახელმწიფო საიდუმლო იყო, თუმცა 2008 წელს დაღესტნის სახალხო არტისტმა, იუმორისტმა ფელიქს დადაევმა განაცხადა, რომ ის ერთ-ერთია სტალინის ოთხი „დუბლიორიდან“. არტისტის თქმით, ოფიციალურ ღონისძიებებს ხშირად ესწრებოდა, რადგან სატყუარად იყენებდნენ იმ ადამიანებისთვის, ვისაც სტალინის მოკვლა სურდათ. 
ამბობენ, რომ აშშ პრეზიდენტობის კანდიდატ ჰილარი კლინტონს, რომელსაც ჯანმრთელობის პრობლემები აქვს, საპრეზიდენტო არჩევნების მიმდინარეობისას, ყოველი შემთხვევისთვის, ჯანმრთელი ორეული ჰყავდა. სხვათა შორის, კლინტონს ხშირად ადარებენ ბრიტანელ მსახიობ ემა ტომპსონს, რომელიც საზოგადოებრივი აქტიურობით გამოირჩევა.
ბარაკ ობამას ჩინელი ორეული - სიაო ცზიგო.
აღსანიშნავია, რომ 2008 წელს, როცა ობამასთან მსგავსებაზე მიანიშნეს, ცზიგომ ამერიკის პრეზიდენტის შესახებ არაფერი იცოდა, შემდეგ კი ეს მსგავსება მისთვის შემოსავლის წყაროდ იქცა. 
ჰონკონგში გაითამაშეს ამერიკის შეერთებული შტატების პრეზიდენტისა და ჩრდილოეთ კორეის ლიდერის შეხვედრის სცენა. მსოფლიო ლიდერების ორეულები მხიარულად სეირნობდნენ ჰონკონგის ქუჩებში და გამვლელებთან სელფებს იღებდნენ.
ჩინელი „ვლადიმერ პუტინი“
www.opentown.org-ის ინფორმაციით, სპეციალისტები აღნიშნავენ, რომ 2010-2015 წლებში პუტინის 7 ორეული არსებობდა და თითოეულ მათგანს კონკრეტული მისია ჰქონდა.
