- მომისმინეთ! - დაიყვირა ინსპექტორმა ვარნიკემ, - ჩვენ დაახლოებით თქვენი ასაკის ახალგაზრდას ვეძებთ. ის სადღაც აქ უნდა იყოს. შემთხვევით ხომ არ დაგინახავთ?
ახალგაზრდებმა ჩუმად გადახედეს ერთმანეთს. შემდეგ ერთ-ერთმა განაცხადა:
- რამდენიმე წუთის წინ მართლაც გაირბინა ერთმა. სწორედ აქ ჩახტა მდინარეში. შეხედეთ, ის მეორე ნაპირზე ამოდის წყლიდან! სწორედ ჩვენს პირდაპირ! იჩარეთ! გინდათ, ჩემს ნავს გათხოვებთ, თორემ ვერ დაეწევით.
- გაუშვი, წავიდეს, - განაცხადა ინსპექტორმა, - მირჩევნია, თქვენ გაგეცნოთ უფრო ახლოს.