სოფო ნიჟარაძე: ვერ მოგატყუებთ, რომ გამარჯვების მოლოდინი არ მქონდა. სანდრო sms ლიდერი სამჯერ იყო. ხალხის დამსახურებული სიყვარული ჰქონდა, რაც მხარდაჭერასა და ზარებში გამოიხატებოდა. ამიტომ გამარჯვებას ნამდვილად ველოდი, თუმცა ფინალში იმდენად ძლიერი კონკურსანტები დადგნენ, აზრები გაიყო. როცა ემოციურად ამ ყველაფრის თანამონაწილე ხარ, უყურებ კონკურსანტებს და ყველა ერთნაირად მოგწონს, ფიქრობ, რომ ნებისმიერი მათგანი შეიძლება გამარჯვებულად დასხელდეს. პირველ რიგში, მინდა, მაყურებელს მხარდაჭერისთვის დიდი მადლობა ვუთხრა. სანდროს შრომა ხალხმა დააფასა და მასთან ერთად დიდი სიხარული მეც განმაცდევინა.
- „X ფაქტორში“ ეს თქვენთვის პირველი გამარჯვება იყო...
- ამ პროექტში მესამედ ვმონაწილეობ და ეს პირველი გამარჯვება იყო. ვერ წარმოიდგენთ, რამხელა ბედნიერება ყოფილა! სანდროს ნაცვლად მე რომ ვყოფილიყავი კონკურსანტი და გამარჯვებულად ჩემი სახელი მომესმინა, ისევე გამიხარდებოდა, როგორც მისი გამარჯვება მახარებს. სიტყვებით ვერ აღვწერ, რას ნიშნავს, როცა შენი რჩეული, გუნდის წევრი და უკვე შვილვით ბავშვი, რომელთანაც მრავალი წუთი, წამი, დღე, კვირები და თვეები გავატარე, იმარჯვებს! ჩვენმა შრომამ შედეგი გამოიღო და ამით უბედნიერესი ვარ!