- რატომ გადაწყვიტეთ „X ფაქტორში“ მონაწილეობა?
- სხვადასხვა ქვეყნების „X ფაქტორს“ აქტიურად ვადევნებთ თვალს და ამ პროექტზე, შეიძლება ითქვას, გაზრდილები ვართ. ქართული „X ფაქტორის“ პირველი სეზონიც ძალიან მოგვეწონა. მონაწილეებს მისცეს თავისუფლება, აურჩიეს ისეთი სიმღერები, რომლებშიც თავს კომფორტულად გრძნობდნენ. მოგვწონს ისიც, რომ შეგვიძლია, დუეტში ვიმღეროთ. ჩვენ ვართ „ძმები გულაშვილები“ და არა „ძმა გულაშვილი“. რამდენიმე წელია, რაც აქტიურად აღარ ვჩანვართ სცენაზე და გვინდა, კიდევ ერთხელ ამ პროექტით ვცადოთ ბედი.
- გაქვთ მუსიკალური განათლება?
- ირაკლი: ორივეს მუსიკალური შვიდწლედი გვაქვს დამთავრებული, ვოკალის პედაგოგთან ბავშვობიდან დავდივართ. ინსტრუმენტებიც შევისწავლეთ. მე დასარტყამ ინსტრუმენტზე ვუკრავ, თორნიკე - კლავიშზე.
- პროფესია:
- ირაკლი: ტურიზმის მენეჯერი ვარ.
- თორნიკე: ეკონომიკური ინფორმატიკის სპეციალისტი.
- რას ელოდებით X ფაქტორისგან?
- იმას, რომ რეალურად დავანახებთ ჩვენს თავს ხალხს და მოგვეცემა საშუალება, სწორად გადავცეთ მსმენელს ის, რასაც ვაკეთებთ.
რამდენად მოულოდნელი იყო ჟიურის შეფასებები თქვენთვის?
- გარკვეულწილად, კრიტიკის მოლოდინიც გვქონდა და კარგი შეფასებებისაც, 50/50-ზე ვიყავით.
- რომელ მუსიკალურ მიმდინარეობას ანიჭებთ უპირატესობას?
- ძველს...
- თქვენი საყვარელი სიმღერა...
- ერთი გამორჩეული არ გვაქვს.
- საყვარელი ქართველი/უცხოელი მომღერალი...
- ირაკლი: ჩემთვის ყველაზე კარგი მუსიკოსი საქართველოში ნიაზ დიასამიძეა, ძალიან დიდ პატივს ვცემ.
- თორნიკე: უცხოეთში „The Beatles“
- ვისთან ერთად ჩაწერდით სიმღერას?
- „ძმებ ბლუზებთან“ ერთად.
-რა არის მომღერლისთვის წარმატება?
- ირაკლი: ყველაზე მაგარია, როცა იმ მუსიკით გახდები პოპულარული, რომელიც შენ გიყვარს და უსმენ. ძალიან ბევრი მომღერალი და ჯგუფი არსებობს, რომლებსაც რეალურად სულ სხვა სხვა მიმდინარეობა მოსწონთ, მაგრამ პროდიუსერებმა გადაუწყვიტეს, რა უნდა იმღერონ.
- თორნიკე: წარმატებული და ბედნიერი მუსიკოსი ის არის, რომელიც სცენაზ გამოდის და მასთან ერთად მის სიმღერას მთელი დარბაზი მღერის.