- ბარბარა, „ვანსაიდში“ ხშირად ხარ. ვინმეს გულშემატკივრობ?
- გიორგი ლაფაჩიშვილს არაამქვეყნიურად ვგულშემატკივრობ. შესარჩევ ტურზე რომ ვნახე, მისი შესაძლებლობებით მაშინვე მოვიხიბლე, კულისებში შევედი და ვუთხარი, მაგარი ბიჭი ხარ-მეთქი. მერე კი სოციალურ ქსელშიც დავმეგობრდით და აღმოჩნდა, რომ გიორგი ჩემი ფანი ყოფილა. გიორგის გარდა, დათუნა ლაზარიშვილსაც ვგულშემატკივრობ, ვაფრენ მაგ ბავშვზე. „Funtime“-მა ქართველ ჯასტინ ბიბერზე - ლუკა ფიფიაზე რომ დაწერა, ეგეც საოცარი ბავშვია. გიგი ადამაშვილის გულშემატკივარიც ვარ.
- შენს კარიერაში რა სიახლეებია?
- განსაკუთრებული სიახლე ჯერ არაფერი მაქვს. ძალიან მინდა, საკუთარი ბენდი მყავდეს და რომელიმე ბარში ვმღეროდე, მაგრამ ამის პერსპექტივა ჯერ არ ჩანს. შემოთავაზებები არის, მაგრამ სიმღერიდან სტაბილური შემოსავალი არ მაქვს. კონცერტებზე კი მეძახიან, მაგრამ ერთი სიმღერის ფასად ოთხი სიმღერის შესრულებას მთხოვენ.
- „ნიჭიერში“ მოგებული სახლის მშენებლობა დასრულდა?
- ჯერ არა, ამიტომ ამჟამად თბილისში, დეიდასთან ვცხოვრობ.
- ახლა სკოლას აცდენ?
- კი, ამ ეტაპზე ასე მიწევს, მაგრამ ჩემი სკოლის დირექტორი ძალიან მიწყობს ხელს. შენს საქმეს არ მოწყდეო, მეუბნება. ლაგოდეხშიც ხშირად ჩავდივარ. ოჯახს და კლასელებს ვნახულობ ხოლმე. აქ სულ სხვა ვარ და როცა სოფელს ვუბრუნდები, თავს ჩვეულებრივ ადამიანად ვგრძნობ.
- რა გეგმები გაქვს?
- მეათე კლასში ვარ და ამაზე ჯერ არ ვფიქრობ. ისე, ალბათ, პოგრამისტობა უფრო მინდა. ჩემი სახლის მშენებლობა რომ დასრულდება, იქ გადავალ საცხოვრებლად. უკვე ვიცი, როგორ მოვაწყობ ბინას.