- გიგი, მენტორებისგან დადებითი შეფასებებით განებივრებული ხარ. როგორ ფიქრობთ, ნიკამ რატომ გაგაკრიტიკა?
- ვერ გეტყვით, რომ დადებითი შეფასებებით ნიკა გვარამიასგანაც ყოველთვის განებივრებული ვიყავი. კრიტიკასაც და ნებიმისერი სახის შენიშვნასაც მივიღებ, მაგრამ შეურაცხყოფას - ვერასდროს. არ მაინტერესებს ვინ ვინ არის. ნიკამ შეურაცხყოფა მომაყენა. ეს არის მუსიკალური პროექტი და არა ზოოპარკი. ვიღაცას მოსწონს ჩემი ნამღერი, ვიღაცას არა, მაგრამ ვიღაც თუ ცხოველებზე ფიქრობს, ეს უკვე მისი პრობლემაა. თავს შეურაცხყოფილად ვგრძნობ.
- აპირებ, ნიკა გვარამიას უპასუხო?
- არა, შეურაცხყოფას დუმილით ვუპასუხებ. ჩემზე ასეთი შემთხვევები ძალიან ცუდად მოქმედებს, რადგან არ ვარ ადამიანი, ვისაც შეუძლია, შეურაცხყოფა გაატაროს და კიდევ უფრო გაძლიერდეს. მე უფრო მეტად ვერ გავძლიერდები, გიგი ვარ - ვიღაცისთვის მაგარი და ვიღაცისთვის სუსტი. კიდევ გავიმეორებ, კრიტიკას ვღებულობ, მაგრამ შეურაცხყოფას - არა.
- ამ ფაქტმა თქვენ შორის ურთიერთობა დაძაბა?
- ჩვენი ურთიერთობა მხოლოდ ისაა, რომ ის ტელეკომპანია ,,რუსთავი 2“-ის გენერალური დირექტორია, მე კი მისი არხის პროექტის რიგითი მონაწილე. ძალიან კარგი ადამიანია, მაგრამ შეურაცხყოფას ასეთი პიროვნებისგანაც ვერ მივიღებ. ოთხივე მენტორს დიდ მადლობას ვუხდი. მეხუთეს კი დუმილით ვპასუხობ.