ვერძი
თქვენი სამსახურებრივი პოზიციები მყარი და სტაბილურია. მეტიც, მოსალოდნელია დაწინაურება. გაზაფხულის პირველ თვეს ნამდვილი სიყვარული გესტუმრებათ (დაოჯახებულებმა შესაძლოა, მეუღლისგან სიურპრიზი მიიღონ). გირჩევთ სამსახურში პირადი ცხოვრების აფიშირებისგან თავი შეიკავოთ - ეს არც ხელმძღვანელობას მოეწონება და თქვენს ავტორიტეტსაც შელახავს.
კურო
ექიმთან წასვლასა და გრძელ რიგში დგომას გირჩევნიათ, ჯანმრთელობის მდგომარეობასთან დაკავშირებული რჩევები ახლობლებისგან მიიღოთ. რა თქმა უნდა, ეს დროსა და ნერვებს ზოგავს, თუმცა გაითვალისწინეთ, რომ ის, რაც ერთისთვის სასარგებლოა, მეორისთვის შეიძლება საზიანო აღმოჩნდეს. ამ პერიოდში ზომიერი ფიზიკური დატვირთვა სასარგებლოა.
ტყუპები
ეცადეთ, საკუთარ თავთან მართალი იყოთ. ამ დღეს ვარსკვლავები თქვენს სიმამაცესა და პირდაპირობას სათანადოდ დააფასებენ. ნებისმიერი საქმის კეთებისას სიფრთხილე და ყურადღება გმართებთ. დაწყებულ საქმეს შუა გზაზე ნუ მიატოვებთ და აუცილებლად დაასრულეთ.
კირჩხიბი
ეს დღე ტყუილსა და ილუზიებს განასახიერებს. პრაქტიკულ კირჩხიბებს გარემოცვა ექსტრავაგანტური საქციელისკენ უბიძგებს. ერიდეთ აზარტულ თამაშებს, კომერციულ გარიგებებსა და სარისკო ფინანსურ ოპერაციებს. ეცადეთ, თქვენთვის უჩვეულო და ეგზოტიკური პროდუქტების მოხმარებისგან თავი შეიკავოთ, რადგან არსებობს მოწამვლისა და ალერგიული რეაქციების რისკი.
ლომი
ეს დღე კამათს, წინააღმდეგობასა და ამპარტავნებას განასახიერებს. ეცადეთ, გარშემომყოფთა კეთილგანწყობა მოიპოვოთ. კანონის ფარგლებში იმოქმედეთ და სამართალდამცავ ორგანოებთან პრობლემებს ნუ შეიქმნით.
ქალწული
ეს დღე ქალწულების თანდაყოლილ დიპლომატიურობასა და კომპრომისულ ხასიათს გამოავლენს. თქვენ კოლეგების მხარდაჭერა და ხელმძღვანელობის კეთილგანწყობა გელით. დატკბით ბედის საჩუქრით და შეცდომა არ დაუშვათ.
სასწორი
ამ დღეს თქვენი გონება და ნება გაერთიანდება და ძლიერ ინტუიციად გარდაიქმნება. სრულიად თავისუფალ ადამიანად იგრძნობთ თავს და მაქსიმალურად შეძლებთ, გამოავლინოთ საკუთარი ნამუშევრები. სიყვარულში იმედგაცრუება გელოდებათ. ვარსკვლავები გირჩევენ, გადაწყვეტილებები დამოუკიდებლად მიიღოთ.
მორიელი
შეგიძლიათ, მნიშვნელოვან საქმიან ხელშეკრულებებს მოაწეროთ ხელი და ნებისმიერი მომგებიანი პროექტი წამოიწყოთ. ვარსკვლავები გირჩევენ, თქვენი ჩანაფიქრების რეალიზება მოახდინოთ მატერიალური კეთილდღეობისთვის. მნიშვნელოვანია, სწორად დაგეგმოთ სამუშაო პროცესები.
მშვილდოსანი
პირად ცხოვრებაში მნიშვნელოვანი ცვლილებები გელოდებათ. არ გამოირიცხება, საცხოვრებლად ახალ სახლში გადასვლა, ბინის ან აგარაკის შეძენა. ვარსკვლავები გირჩევენ, მეოჯახე მშვილდოსნები ყოველდღიური ცხოვრების გაუმჯობესებით დაკავდეთ.
თხის რქა
პლანეტების განლაგების მიხედვით, განქორწინება, ქონების გაყოფა და სასამართლო პროცესები გელოდებათ. ნუ გაართულებთ შექმნილ ვითარებას. შესაძლოა, ჯანმრთელობის მდგომარეობა გაგიუარესდეთ და ენდოკრინოლოგიური სისტემა დაგერღვეთ.
მერწყული
რომანტიკულ ცხოვრებაში მოულოდნელი ცვლილებები გელოდებათ. საყვარელ ადამიანში ხასიათის თქვენთვის უცნობ შტრიხებს აღმოაჩენთ. პაემანზე წასვლამდე მოიფიქრეთ საკუთარი ქცევების ტაქტიკა და სტრატეგია. შეეცადეთ, თქვენი შარმით მოხიბლოთ რჩეული.
თევზები
ვენერას გავლენას თევზები აუცილებლად იგრძნობენ - ამ დღეს მაქსიმალური სიამოვნება და დადებითი ემოციები გელოდებათ. ეს დღე შესანიშნავია ინტერიერის ნივთის, ავეჯის ან საიუველირო სამკაულის შესაძენად. თუკი საკუთარი ფინანსები არ გყოფნით, შეგიძლიათ, საჩუქრის შესაძენად ნაცნობების ან ნათესავების იმედი გქონდეთ.