სასწორი
მათ გადაწყვეტილების მისაღებად მარადისობაც არ ჰყოფნით. ამის მიუხედავად, ხშირად ხდებიან თაღლითების მსხვერპლნი. მთავარია, თავბრუ დაახვიონ და დრო არ მისცენ დედუქციური გონის ჩასართველად.
ტყუილს ძალიან გვიან ხვდებიან. მათ სჯერათ პოლიტიკოსების, გამოცდილი თაღლითი-მარკეტოლოგების, ყოველგვარი ინტერნეტსიახლის. და სანამ საკმარის ინფორმაციას მოაგროვებენ საქმეში გასარკვევად, მათ უკვე ზიანი ადგებათ. სანამ მათი აზროვნება საკითხის შესახებ ინფორმაციის გადამუშავებით არის დაკავებული, ამ მომენტში ყველაზე ადვილია მათი მოტყუება.
თევზები
ცხოვრების დიდ ნაწილს ისინი რომელიღაც პარალელურ რეალობაში იმყოფებიან, რომელიც მხოლოდ მათთვის არის ცნობილი. თავიანთ სამყაროში მყოფი თევზები სავსებით მოწყვლადნი არიან. მათ ადვილად ატყუებენ ისეთი თაღლითებიც კი, რომლებსაც ეს „პროფესია“ შუბლზე აწერიათ. როცა ვინმე იოლად ფულის შოვნას შესთავაზებთ, ისინი ყოველთვის თანახმანი არიან. ფულის შოვნა თევზებისთვის ხომ ყველაზე სასურველი რამაა.
ლატარია, სათამაშო ავტომატები, კაზინო და ინტერნეტთამაშები სახლიდან გაუსვლელად თითქოსდა მათთვისაა შექმნილი. საბოლოო ჯამში, ისინი ოფლით ნაშოვნ ფულს დაუფიქრებლად ხარჯავენ. რამდენიმე თვე ესაჭიროებათ, რათა ყველაფერში გაერკვნენ, მანამდე კი მეგობრებს ათას ზღაპარს უყვებიან იმის შესახებ, ახლო მომავალში როგორ გამდიდრდებიან.
კურო
ის ურთიერთობებისთვის შედარებით რთული ნიშანია. სწორედ მათი მარტოობაა მიზეზი იმისა, რის გამოც კურო თაღლითების ხაფანგში ებმება. როცა რეკლამირებული საქონლის საყიდლად ფულის ხარჯვაა საჭირო, კურო ძალიან ფრთხილობს, სამაგიეროდ გულუხვია მეგობრებისა და პოტენციური რომანტიკული პარტნიორების მიმართ.
შეყვარებული კურო არ კითხულობს ფასს. 1000 ევრო გჭირდებათ სასიცოცხლო პრობლემის მოსაგვარებლად? კურო გასესხებთ ამ თანხას. ის მომენტი, რომ ახალი ნაცნობები ხართ, კუროსთვის პრობლემა არ არის. როცა ახალი ნაცნობი ფულიანად დაიკარგება, მხოლოდ მაშინ ხვდება კურო ტყუილს. კურო სწავლობს საკუთარ შეცდომებზე და ერთსა და იმავე ხაფანგში ორჯერ არ ებმება. ამისთვის მას ძველი ტყუილი ახლებურად უნდა შეუფუთოთ.