ნიუ იორკის შტატის გუბერნატორ ენდრიუ კუომოს განცხადებით, ნიუ იორკის შტატში ბავშვების ასაკში უკვე დაფიქსირდა ინფიცირების 73 შემთხვევა, როდესაც სიმპტომები აბსოლუტურად განსხვავებულია იმისგან, რასთანაც აქამდე ჰქონიათ ექიმებს შეხება.
ენდრიუ კუომომ მშობლებს მოუწოდა, ყურადღებით იყვნენ და ბავშვებში გარკვეული სიმპტომების გამოვლენისთანავე მიმართონ ექიმს. სიმპტომების ჩამონათვალშია, მაგალითად, გარდა მაღალი სიცხისა, ბავშვის უხასიათობა ან გაღიზიანება, საკვებზე უარის თქმა, შარდვის გაიშვიათება, სიფერმკთალე, პულსაციის აჩქარება.
მანამდე პედიატრიული მულტი-სისტემური ანთებითი სინდრომის შემთხვევები დაფიქსირდა დიდ ბრიტანეთში, იტალიასა და ესპანეთში.
ეს სინდრომი covid-19-ით ინფიცირებიდან რამდენიმე დღის ან რამდენიმე კვირის შემდეგ ვლინდება.
ამერიკელი მეცნიერები სასწრაფოდ იწყებენ ამ სრულიად ახალი მოვლენის კლინიკური კვლევების ორგანიზებას.