ფსიქოლოგები გირჩევთ, რომ ბავშვი მნიშვნელოვანი მიღწევებისთვის შეაქოთ:
ყოველდღიურად ბავშვები უამრავ რამეს აკეთებენ, თუმცა ზოგიერთი აქტივობა სხვებთან შედარებით ბევრად მნიშვნელოვანია. თუ ბავშვი მუსიკაზე დადის და მან მნიშვნელოვანი მუსიკალური ნაწარმოების დაკვრა ისწავლა, ბევრი იშრომა და საუკეთესო შედეგი მიიღო, ის თქვენგან შექებას იმსახურებს. ბავშვს მაშინ ნუ შეაქებთ, როდესაც ის ამას არ იმსახურებს.
ასევე, მნიშვნელოვანია, რომ ბავშვი შრომის პროცესში შეაქოთ
თუ თქვენი შვილი მნიშვნელოვან სპორტულ კონკურსს მოიგებს და მას შეაქებთ, ის იფიქრებს, რომ ყველაზე მთავარი ცხოვრებაში გამარჯვებაა. უმჯობესია, მას უთხრათ, რომ მისი შრომა და მონდომება დაფასდა. ბავშვმა უნდა იგრძნოს, რომ გამარჯვება შემთხვევითობა არ არის. ის უნდა მიახვედროთ, რა მნიშვნელობა აქვს შრომას და მონდომებას. თუ ბავშვს მხოლოდ მოგების გამო აქებთ, ის ვერ გაიგებს, როგორი მნიშვნელოვანია შრომის პროცესი.
ბავშვს ასწავლეთ სხვების შრომის დაფასება
თუ გსურთ ბავშვის ღირსეულ ადამიანად ჩამოყალიბება, მას სხვების შრომის დაფასება უნდა ასწავლოთ. თუ სკოლაში ის წარმატებული მოსწავლეა, უნდა იცოდეს, რომ ეს მხოლოდ მისი დამსახურება არ არის. ბავშვს მასწავლებლისთვის მადლობის წერილი მიაწერინეთ. მან უნდა იცოდეს, რომ ჯგუფური მუშაობა და მიღწევები ისევე მნიშვნელოვანია, როგორც ინდივიდუალური წარმატება.