ვანო პავლიაშვილი: „მგონია, რომ არ ვიქნებოდი ცუდი გენერალი“

ზეპირი ანკეტა

12 მარტი 20:00, 2018 წელი

გიორგი კეკელიძესთან პრუსტის კითხვარს პასუხობენ საქართველოს მოქალაქეები, მიუხედავად მათი წარსულისა, აწმყოსი და მომავლისა, მიუხედავად პოლიტიკური და სხვა, მსგავსი თუ არამსგავსი, შეხედულებებისა, პროფესიისა, ნიჭისა თუ... დღევანდელი სტუმარია ჟურნალისტი, ტელეკომპანია „იბერიას“ გადაცემების - „ინტერვიუ ვანიჩკასთან“, „X-ზონა“ და „პოლიტიკური ალგორითმი“ - ავტორი და წამყვანი ვანო პავლიაშვილი.

- რა არის თქვენთვის სრულყოფილი ბედნიერება?
- ეს ხომ პირობითი ცნებაა?! არ მგონია, არსებობდეს სრულყოფილი ბედნიერება. სხვადასხვა დროს სხვადასხვა რამეა ბედნიერება. ვინც სრულყოფილად ბედნიერია, მას, ალბათ, ფსიქოლოგიური პრობლემები აქვს.


- ბოლოს როდის გაიცინეთ?
- ახლაც გავიღიმე... ხშირად ვიცინი. 


- ბოლოს როდის იტირეთ?
- ახლობელი გარდაიცვალა ერთი თვის წინ და მაშინ ვიტირე. მგონია, ტირილი ცუდი არ არის. პირიქით, რაღაცებში გვეხმარება კიდეც.


- თქვენი ხასიათის მთავარი შტრიხი?
- ეჭვიანობა. ტყუპები ვარ ზოდიაქოს ნიშნით და სხვანაირად არც შეიძლება.


- ყველაზე დიდი ნაკლი?
- ნაკლი ბევრი მაქვს, თუმცა, გამოკვეთილად არაფერს ვებრძვი. ვებრძოდი სიმსუქნეს და დავამარცხე.


- ყველაზე მეტად რომელ ისტორიულ ფიგურასთან აიგივებთ თავს?
- დღეს „ფეისბუკზე“ გავაკეთე ტესტი და დამიწერა, რომ ამერიკელი გენერალი ვარ. ისე, მგონია, რომ არ ვიქნებოდი ცუდი გენერალი.


- ვინ არიან თქვენი გმირები დღეს?
- გმირები არ მყავს და, საერთოდ, წინააღმდეგი ვარ გმირების შექმნის. ხშირად ადამიანები ფიქრობენ, რომ ვიღაცაზე არ შეიძლება რაღაცის თქმა, იმიტომ რომ ის ავტორიტეტია. მე ასე არ ვფიქრობ. როდესაც თავის დროზე (1997-98 წლებში) ღია წერილი მივწერე პატრიარქს, მაშინ სერიოზულად ფიქრობდნენ, ეს როგორ შეიძლებაო. მაშინ „ციანიდის“ ამბები არ იყო, მაგრამ იყო ყველაფერი დანარჩენი, რასაც წერილში ვწერდი. ბევრი ფიქრობდა, როგორ შეიძლება, პატრიარქს ასე ელაპარაკოო. მგონია, რომ დღეს გმირები არ არსებობენ. მეტსაც გეტყვით, არ მგონია, რომ არსებობენ წმინდანები, ყოველ შემთხვევაში, ისინი, ვინც მეტ-ნაკლებად ჩვენი თანამედროვეები არიან, იმიტომ, რომ ამას უფრო დიდი პერიოდი სჭირდება. 


- თქვენი მხატვრული გმირები?
- როგორც ვთქვი, ზოდიაქოთი ტყუპები ვარ. მუდმივად მეცვლება გემოვნება, ხასიათი, არ მეცვლება პოლიტიკური შეხედულებები მხოლოდ. მაგალითად, დაახლოებით, ათი წლის წინათ სპაიდერმენიც კი მომწონდა. არ მგონია, რომ უნდა ავყვე მოდას და დავასახელო, მაგალითად, დათა თუთაშხია. მგონია, რომ ნაცარქექია არ არის კარგი ტიპი, მით უმეტეს, ბავშვებს რომ ვასწავლით. ალექსანდრე ჯეჯელავასავით გამომდის, მაგრამ ამ ზღაპრით ბავშვებს ვასწავლით უქნარობას. რწყილი და ჭიანჭველა, ჩემი აზრით, კორუფციული ზღაპარია. სხვათა შორის, ამაზე 90-იან წლებში სტატია მაქვს დაწერილი.


- ყველაზე შთამბეჭდავი მოგზაურობა?
- უცნაური ადამიანი ვარ. შეიძლება, სასწაულსაც კი ჩვეულებრივად შევხვდე და ვთქვა, რა მოხდა მერე?!


- თვისება, რომელსაც უპირატესობას ანიჭებთ მამაკაცში?
- ყველა ადამიანში რამდენიმე თვისებას ვანიჭებ უპირატესობას: მოწესრიგებულობა, ინტელექტი და ნიჭიერება.


- ქალში?
- ქალშიც იგივე.


- საყვარელი მწერლები?
- ჯანსუღ ჩარკვიანი.


- საყვარელი კომპოზიტორი?
- მამუკა ჩარკვიანი.


- ფილმი?
- თენგიზ აბულაძის „ნატვრის ხე“


- რას მიიჩნევთ თქვენს ყველაზე დიდ მიღწევად?
- მივაღწიე იმას, რომ მე, ჩვეულებრივი, პატარა ბიჭი, პროვინციიდან ჩამოვედი და მგონია, ჩემი სიტყვა ვთქვი და ვამბობ ჟურნალისტიკაში.


- რა არის თქვენთვის ყველაზე ძვირფასი?
- სიცოცხლე.


- თარიღი, რომელსაც თქვენი ცხოვრებიდან გამოტოვებდით?
- არც ერთ თარიღს არ გამოვტოვებდი, რადგან ოცნების ასაკში ვარ. ანუ, მთელი 41 წელი არის ჩემი ცხოვრება. მე რომ რამე შევცვალო, ეს ხომ ჩემი ცხოვრება აღარ იქნება. მე მიყვარს ჩემი ცხოვრება, პატივს ვცემ თავისი შეცდომებითა და მიღწევებით.


- რა არის თქვენთვის სამშობლო?  
- ძალიან არაბანალურ და არატრადიციულ რამეს ვიტყვი. სამშობლო არის ადგილი, სადაც დავიბადე. მგონია, რომ სამშობლო არის ჩემი სოციუმი, ის გარემოცვა, სადაც ვცხოვრობ. არ ვყოფილვარ, მაგალითად, სვანეთში. მე რომ ვცხოვრობდე ემიგრაციაში, სვანეთი არ მომენატრება. ამას პირობითად ვამბობ. შესაბამისად, სამშობლო ჩემთვის არის ის სამყარო, რომელშიც ყოველდღიურად ვცხოვრობ. ამ თემაზე ხშირად მიკამათია, მაგრამ მაინც ასე მგონია.


- რისი გეშინიათ ყველაზე მეტად?
- პატრულმა არ დამაჯარიმოს. კანონმორჩილი მძღოლი ვარ, სულ ვცდილობ, დავიცვა მოძრაობის წესები, მაგრამ პატრულის მიმართ სულ მაქვს ეს განცდა. და კიდევ მეშინია, პირდაპირ ეთერში გადაცემისთვის დაპატიჟებული სტუმარი რომ არ მოვიდეს. მართალია, ვიცი, ამ დროს რაც უნდა გავაკეთო, მაგრამ მაინც სულ ვფიქრობ ამაზე.


- როგორ ისურვებდით სიკვდილს?
- ჩვეულებრივ... მგონია, რომ სიკვდილით არ მთავრდება ყველაფერი. სიკვდილის მერე იწყება რაღაც, უბრალოდ, არ ვიცით, რა. მე ხომ არ მახსოვს, როგორ დავიბადე. შესაბამისად, არ ვიცი, როგორ უნდა მოვკვდე. სიკვდილის არ მეშინია. ძალიან ადრე, ბავშვობაში მაქვს დაწერილი ჩემი გარდაცვალების დღე.


- თუკი ოდესმე ღმერთს შეხვდებოდით, რას ისურვებდით, რომ თქვენთვის ეთქვა?
- აუცილებლად მინდა, დამარწმუნოს, რომ არსებობს.


 


 

ფოტოგრაფი: ალექსანდრე სხულუხია
დღის ჰოროსკოპი

13 აგვისტოს ასტროლოგიური პროგნოზი

რას გვირჩევენ ვარსკვლავები 13 აგვისტოსთვის ჯანმრთელობის, ბიზნესის და სიყვარულის მიმართულებით?
NEW

აშშ-ის სურსათის და წამლის ადმინისტრაციამ სპინალური კუნთოვანი ატროფიის სამკურნალოდ აუცილებელი მედიკამენტი დაამტკიცა

აშშ-ის სურსათის და წამლის ადმინისტრაციამ (FDA) მოზრდილებში, 2 თვის და უფროსი ასაკის ბავშვებში სპინალური კუნთოვანი ატროფიის (სკა) სამკურნალოდ მედიკამენტი Evrysdi (რისდიპლამი) დაამტკიცა. Evrysdi (რისდიპლამი) ფარმაცევტული კომპანია Roche-ს წარმოებული მედიკამენტია, რომელიც სპინალური კუნთოვანი ატროფიის სამკურნალოდ პირველი და ერთადერთი საშუალებაა, რომლის მიღებაც სახლის პირობებშიც შესაძლებელია.
FUN-ტესტი

მოკლე სექს-ტესტი - როგორია თქვენი სექსუალური მადა?

თქვენ წინაშეა ფოტო 8 კვადრატით. თითოეულ კვადრატში ერთი ფიგურაა. კარგად დააკვირდით და აირჩიეთ ის ფიგურა, რომელიც ყველაზე მეტად მოგეწონათ, ქვემოთ კი წაიკითხეთ, თუ რაზე მიუთითებს თქვენი არჩევანი. 
დღის ჰოროსკოპი

12 აგვისტოს ასტროლოგიური პროგნოზი

რას გვირჩევენ ვარსკვლავები 12 აგვისტოსთვის ჯანმრთელობის, ბიზნესის და სიყვარულის მიმართულებით?
დღის ჰოროსკოპი

11 აგვისტოს ასტროლოგიური პროგნოზი

რას გვირჩევენ ვარსკვლავები 11 აგვისტოსთვის ჯანმრთელობის, ბიზნესის და სიყვარულის მიმართულებით?
NEW

„დებატები უკეთესი განათლებისთვის“ - გამორჩეული მოდებატეების დაჯილდოების ცერემონიალი გაიმართა

10 აგვისტოს, 11:00 საათზე, სასტუმრო „თბილისი კოპალაში“ (ანტონ ჩეხოვის ქუჩა 8/10) გაიმართა პროექტ „დებატები უკეთესი განათლებისთვის“ მონაწილე მოსწავლეებისა და საუკეთესო მოდებატეების დაჯილდოების ცერემონიალი. ინფორმაციას „საქართველოს დებატებისა და განათლების ინსტიტუტი“ ავრცელებს.
დღის ჰოროსკოპი

10 აგვისტოს ასტროლოგიური პროგნოზი

რას გვირჩევენ ვარსკვლავები 10 აგვისტოსთვის ჯანმრთელობის, ბიზნესის და სიყვარულის მიმართულებით?
დღის ჰოროსკოპი

9 აგვისტოს ასტროლოგიური პროგნოზი

რას გვირჩევენ ვარსკვლავები 9 აგვისტოსთვის ჯანმრთელობის, ბიზნესის და სიყვარულის მიმართულებით?
დღის ჰოროსკოპი

8 აგვისტოს ასტროლოგიური პროგნოზი

რას გვირჩევენ ვარსკვლავები 8 აგვისტოსთვის ჯანმრთელობის, ბიზნესის და სიყვარულის მიმართულებით?
NEW

სამზარეულოს ტექნიკა, რომელიც აუცილებლად უნდა შეიძინო, თუკი მარტო აპირებ საცხოვრებლად გადასვლას

რა შეიძლება იყოს იმაზე უკეთესი, ვიდრე საცხოვრებლად მარტო გადასვლის შესაძლებლობა? ამ დროს გონებაში უკვე ვაწყობთ მომავალ ბინას, უკვე ვიცით, სად დავიდგამთ საყვარელ სავარძელს; სად მოვიწყობთ სამუშაო თუ დასასვენებელ სივრცეებს.
დღის ჰოროსკოპი

7 აგვისტოს ასტროლოგიური პროგნოზი

რას გვირჩევენ ვარსკვლავები 7 აგვისტოსთვის ჯანმრთელობის, ბიზნესის და სიყვარულის მიმართულებით?
NEW

„დანკინის“ ამერიკული რესტორნების მენიუს საქართველოში პიცა დაემატა

„დანკინის“ ამერიკული რესტორნების მენიუს საქართველოში პიცა დაემატა და ამიერიდან ერთგული მომხმარებლები იტალიური პეპერონის, მარგარიტას და პიცის ყველით და ლორით დაგემოვნება მხოლოდ 5.50 ლარად შეეძლებათ. ინფორმაციას „ვისოლ ჯგუფი“ ავრცელებს.