როგორ მოვამზადოთ ფორთოხლის ცუკატები

დაშაქრული ფორთოხალი შეიძლება კექსებში, სააღდგომო ნამცხვრებში, მაფინებში, ხაჭოიან თუ საფუვრიან ფუნთუშებში გამოიყენოთ.

ფორთოხლის ცუკატების მოსამზადებლად დაგჭირდებათ:

• ფორთოხლის კანი - 300 გ
• შაქარი - 220 გრ
• წყალი სიროფისთვის - 170 მლ
• ლიმონის წვენი - 1 ს. კოვზი
• მწიკვი ვანილი
• მარილი - 3 ჩ. კოვზი

მომზადების წესი:

ფორთოხალი კარგად გარეცხეთ დ კანი გაააცალეთ. აწონეთ 300 გრ კანი და ზოლებად დაჭერით.

ფორთოხლის დაჭრილი კანები ქვაბში მოათავსეთ და იმდენი წყალი დაასხით, რომ მთლიანად დაფაროს.

ქვაბში 1 ჩაის კოვზი მარილი ჩაყარეთ და საშუალო ცეცხლზე დაადგით.

წყალი დაახლოებით 5 წუთი ადუღეთ, შემდეგ გადაწურეთ და ფორთოხლის კანებს ცივი წყალი გადაავლეთ.

ფორთოხლის კანების მარილიან წყალში წამოდუღების პროცესი კიდევ რამდენიმეჯერ გაიმეორეთ. ამ დროს კანს მოსცილდება სიმწარე და ცვილი, რომლითაც ხილს შენახვისას ფარავენ.

ბოლო წამოდუღების შემდეგ ფორთოხლის კანები გამდინარე წყალში გარეცხეთ და საწურზე მოათავსეთ, რომ ზედმეტი სითხისგან დაიცალოს.

ქვაბში ჩაასხით წყალი სიროფი წყალისთვის, დაუმატეთ შაქარი, ლიმონის წვენი და ვანილი. ქვაბი ცეცხლზე დადგით და ადუღებამდე მიიყვანეთ.

მდუღარე სიროფში ჩაყარეთ ფორთოხლის ქერქი და 30-40 წუთის განმავლობაში ხარშეთ, სანამ სიროფი თითქმის მთლიანად არ აორთქლდება.

დაშაქრული ხილი საწურზე გადაიტანეთ, რომ ზედმეტი სიროფისგან დაიწუროს.

დიდ ლანგარზე საცხობი ქაღალდი დააფინეთ, ფორთოხლის კანები ერთ ფენად დააწყვეთ, ოთახის ტემპერატურაზე, 24-48 საათის განმავლობაში გააჩერეთ და პერიოდულად გადაატრიალეთ.

ფორთოხლის ცუკატები ოთახის ტემპერატურაზე, მჭიდროდ დახურულ კონტეინერში 1 თვემდე ინახება.

ნამცხვრებში ან დესერტებში დამატებამდე, დაშაქრული ფორთოხალი წვრილად უნდა დაჭრათ.

***

გოგრის ცუკატები - მარტივი რეცეპტი