განათლების საერთაშორისო ცენტრსა და ცენტრის კურსდამთავრებულთა ასოციაციას შორის საგრანტო ხელშეკრულება გაფორმდა

ამბები

5 აგვისტო 15:10

5 აგვისტოს სსიპ - განათლების საერთაშორისო ცენტრსა და ამავე ცენტრის კურსდამთავრებულთა ასოციაციას შორის გრანტის შესახებ ხელშეკრულება გაფორმდა. 

ხელშეკრულების თანახმად, ცენტრი ასოციაციას გადასცემს საგრანტო თანხას მცირე საგრანტო პროგრამის განსახორციელებლად.


მცირე საგრანტო პროგრამის მიზანია კურსდამთავრებულთა მიერ ახალგაზრდული, საზოგადოებრივი და აკადემიურ-საგანმანათლებლო პროექტების ორგანიზებისა და   წევრთა პროფესიული თანამშრომლობის ხელშეწყობა. პროგრამის ფარგლებში ასოციაციის წევრებს  შესაძლებლობა მიეცემათ, განახორციელონ სხვადასხვა ახალგაზრდული და საზოგადოებრივი პროექტები ამ პროგრამით განსაზღვრულ თემატიკაზე, ასოციაციის მიერ კონკურსის წესით გაცემული გრანტებითა და სხვა თანადაფინანსებით.


მცირე საგრანტო პროგრამის კონკურსში მონაწილეობა და განაცხადის წარმოდგენა შეუძლიათ ასოციაციის წევრებს (წევრთა ჯგუფებს), რომლებმაც ცენტრის სასტიპენდიო პროგრამების ფარგლებში მოიპოვეს დაფინანსება, დაასრულეს სწავლა და გახდნენ ცენტრის კურსდამთავრებულთა ასოციაციის წევრები. თუმცა პროექტების განხორციელების პროცესში შესაძლებელია როგორც ასოციაციის არაწევრი პირების, ისე ცენტრის იმ სტიპენდიატების ჩართვა, რომელთაც ჯერ სწავლა არ დაუსრულებიათ.


მცირე საგრანტო პროგრამის ფარგლებში განსახორციელებელი პროექტების ძირითადი მიმართულებებია:



  • რეგიონული განვითარება

  • ინოვაციების ხელშეწყობა

  • განათლება

  • ხელოვნება და შემოქმედებითი ინდუსტრიები

  • ჯანდაცვა

  • კონფლიქტები

  • გარემოს დაცვა


თითოეულ პროექტზე დაფინანსების მაქსიმალური ოდენობა შეადგენს 25,000 ლარს (თანადაფინანსების არსებობის შემთხვევაში), ან 15 000 ლარს (თანადაფინანსების არარსებობის შემთხვევაში). აპლიკაციების მიღება შესაძლებელი იქნება 2019 წლის 15 სექტემბრიდან 2019 წლის 15 ოქტომბრის ჩათვლით, საკონკურსო პროექტის ხანგრძლივობა არ უნდა აღემატებოდეს 12 თვეს. დაფინანსება გაიცემა კონკურსის წესით სამართლიანობის, შეჯიბრებითობისა და გამჭვირვალობის პრინციპების დაცვით. წარმოდგენილ პროექტებს პროგრამის ფარგლებში შექმნილი საკონკურსო კომისია შეაფასებს.


განათლების საერთაშორისო ცენტრის კურსდამთავრებულთა ასოციაციის მისიაა სახელმწიფოს განვითარების სტრატეგიული ხელშეწყობა კურსდამთავრებულთა ჩართულობით, გამოცდილების გაზიარების, ინსტიტუტების განვითარების, პრიორიტეტული პროექტების განხორციელების, კავშირების დამყარებისა და გაძლიერების გზით. ასოციაციის მიზნებია: კურსდამთავრებულთა ქსელის შექმნა და გაძლიერება, ასოციაციის წევრთა პროფესიული განვითარების ხელშეწყობა, განვითარებაზე ორიენტირებული კვლევებისა და კონსულტაციების განხორციელება, საზღვარგარეთ მიღებული ცოდნისა და გამოცდილების გამოყენებით საზოგადოებრივი სიკეთის შექმნა.


 

დღის ჰოროსკოპი

21 ოქტომბრის ასტროლოგიური პროგნოზი

რას გვირჩევენ ვარსკვლავები 21 ოქტომბერს ჯანმრთელობის, ბიზნესის და სიყვარულის მიმართულებით?
კულინარია

ქათმის რულეტი ყველით

ყველა მხრიდან დაბრაწული ქათმის ნაზი ფილე, შიგნით ჩამდნარი ყველით, ვიზუალურადაც იმდენად მადისაღმძვრელია და გემოთიც ისეთი გემრიელი, რომ სუფრიდან თვალის დახამხამებაში ქრება.
დღის ჰოროსკოპი

20 ოქტომბრის ასტროლოგიური პროგნოზი

რას გვირჩევენ ვარსკვლავები 20 ოქტომბერს ჯანმრთელობის, ბიზნესის და სიყვარულის მიმართულებით?
დღის ჰოროსკოპი

19 ოქტომბრის ასტროლოგიური პროგნოზი

რას გვირჩევენ ვარსკვლავები 19 ოქტომბრისთვის ჯანმრთელობის, ბიზნესისა და სიყვარულის მიმართულებით?
კინო

5 ფილმი, რომლებიც სულს აგიფორიაქებთ

თუ ცოტა ხნით ბლოკბასტერებს მოსწყდებით და სერიოზული ფილმის საყურებლად განეწყობით, ეს ფილმები ღრმა შთაბეჭდილებებს დაგიტოვებთ.
დღის ჰოროსკოპი

18 ოქტომბრის ასტროლოგიური პროგნოზი

რას გვირჩევენ ვარსკვლავები 18 ოქტომბრისთვის ჯანმრთელობის, ბიზნესისა და სიყვარულის მიმართულებით?
კულინარია

ხრაშუნა კარტოფილის ჩხირები ლორით

ალბათ მიხვდით, რომ ეს არ არის კარტოფილი ფრი, თუმცა გარწმუნებთ, ფრიზე მეტად შეიყვარებთ!
დღის ჰოროსკოპი

17 ოქტომბრის ასტროლოგიური პროგნოზი

რას გვირჩევენ ვარსკვლავები 17 ოქტომბრისთვის ჯანმრთელობის, ბიზნესისა და სიყვარულის მიმართულებით?
კინო

11 მიზეზი იმისა, რატომ არის ჰიუ ჯეკმანი გენიალური

იცოდით, რომ ეს ავსტრალიელი არტისტი ჰოლივუდამდე ჯამბაზად მუშაობდა და პატარებს ართობდა? და არამარტო ეს...
ამბები

„ვენდიმ“ „რაგბი მენიუს“ გათამაშების პირველი ნაკადის გამარჯვებული რაგბის გულშემატკივრები დააჯილდოვა

ამერიკული რესტორნების ქსელმა „ვენდიმ“ „რაგბი მენიუს“ გათამაშების პირველი ნაკადის გამარჯვებული რაგბის გულშემატკივრები დააჯილდოვა.




×

საბანერო პოზიცია
300x150