მინისტრმა ბათუმში მყოფ დამსვენებლებს მოუწოდა მიმართონ კოვიდცენტრებს და აუცილებლად ჩაიტარონ კორონავირუსზე კვლევა.
აჭარის ჯანდაცვის სამინისტროს განცხადებით, „ოაზისის“ დამსვენებლების კორონავირუსზე კვლევა უახლოეს საათებში დაიწყება და მათ, ვისაც ინფიცირება არ დაუდასტურდება, შენობის დატოვების უფლება ექნება.
ინფორმაციისთვის, სასტუმროში კონფერენციაზე მყოფ ერთ-ერთ ექიმს, განმეორებითი კვლევის შემდეგ, კორონავირუსი დაუდგინდა. აღნიშნულთან დაკავშირებით სასტუმროში შესვლა-გამოსვლა შეიზღუდა და ამ დროისთვის დამსვენებლებს სასტუმროს დატოვება აკრძალალული აქვთ.