სახელი: სანდრო
გვარი: ვეფხვაძე
სამუშაო ადგილი: რადიო კომერსანტი, პოსტ TV, ბიზნესისა და ტექნოლოგიების უნივერსიტეტი
რომ არ ვყოფილიყავი ჟურნალისტი, ვიქნებოდი... მათემატიკოსი.
ყველაზე მეტად ჩემს პროფესიაში მომწონს... ადრენალინის გენერირება.
ყველაზე დასამახსოვრებელი რეპორტაჟი... ზოგადად, რაც წარსულში იყო, იმას არ ვიმახსოვრებ. ვცდილობ, უკეთესი და უკეთესი გავაკეთო.
ყველაზე მეტად ადამიანში ვაფასებ... სამართლიანობას.
მჯერა, რომ... ლარი 1.78 ნიშნულს დაუბრუნდება.
ის, რაც ყველაზე მეტად მომწონს ჩემს თავში... ჩემს თავში არაფერი მომწონს.
რაც ყველაზე მეტად არ მომწონს საკუთარ თავში... ზედმეტი გულწრფელობა.
ამ წამს ყველაზე მეტად მინდა, რომ ვიყო... რიჩარდ ბრენსონი.
ჩემი ყველაზე დასამახსოვრებელი დაბადების დღე იყო... არასდროს მიყვარდა დაბადების დღეები, მით უმეტეს, ჩემი.
წიგნი, რომლის ავტორიც ვიქნებოდი... Getting Things Done.
ამოჩემებული სამოსი... ჰალსტუხები, ჯინსები, ჟილეტები - ერთ კომბინაციაში.
ყველაზე ხშირად მავიწყდება... ძილი.
ადრე ვფიქრობდი, რომ… და ახლა ვფიქრობ, რომ... ადრე ვფიქრობდი, რომ ოდესმე გავხსნიდი დიდ ფერმას. პრინციპში, ამას ახლაც ვფიქრობ.
თავისუფალ დროს... ეს რა არის, საერთოდ არ ვიცი.
მეშინია... სიკვდილის-თქო, რომ ვთქვა, ბანალური ვიქნები, ამიტომ - ლარის კიდევ უფრო გაუფასურების.
მრცხვენია მაშინ, როდესაც... არაგულწრფელი ვარ.
ყველაზე მეტად მიყვარს... ჩემი მეორე ნახევარი.
არასოდეს გავაკეთებ... სხვის უბედურებაზე არასდროს ვიხეირებ.
რის თქმაც ყოველთვის მინდოდა და ახლა ვამბობ... ვამბობ იმას, რასაც ვფიქრობ და მინდა. ბოლოს და ბოლოს, პროფესია მაქვს ასეთი.
სიყვარული არის... ის, რასაც კომპრომისზე მიჰყავხარ.
ყველაზე დიდი სისულელე, რაც გამიკეთებია, არის... სისულელეების მეტი რა გამიკეთებია.
პირად ურთიერთობებში ვარ... გულწრფელი.
პრეზიდენტი, რომ ვიყო… საქართველოში პრეზიდენტი ის ინსტიტუციაა, რომ ვიყო, არ ვიცი, რას ვიზამდი, ან ვიზამდი რო რამეს?
წინა ცხოვრებაში ვიქნებოდი… რანჩოს მეპატრონე.
არასოდეს თქვა… ვნებდები.
მოგებული ჯეკპოტით… რეინვესტირებას გავაკეთებდი.
ადამიანი, რომ არ ვიყო, ალბათ, ვიქნებოდი… ვეფხვი.
ჩემთვის ღმერთი არის… ფართო ცნება.
რწმენა არის... მიზანი.
ვენდობი... კანონზომიერებას.
არ ვენდობი... კანონზომიერებას.
თავისუფლება არის... ყველაზე დიდი მონაპოვარი.
ომი არის... ინტერესთა კონფლიქტი.
მშვიდობა არის... ინტერესთა კონფლიქტი.
იყო პატრიოტი, ნიშნავს... იცავდე შენს სახლს.
მინდა დამიმახსოვრონ, როგორც... ენერგიული, ექსცენტრიკული.
