როგორც გაირკვა:
ყველაზე ადრე 22-25 წლის ასაკში ხანგრძლივი და სტაბილური კავშირისთვის მზად მიწის ნიშნები არიან. კურო, ქალწული და თხის რქა პასუხისმგებლობას დიდი სერიოზულობით ეკიდებიან. ამიტომ, თუ ისე მოხდა, რომ მათ ოჯახის შექმნა ადრეულ ასაკში მოუხდათ, ბოლომდე ინარჩუნებენ პარტნიორის ერთგულებას.
მეტ-ნაკლებად არიან მზად ადრეულ ასაკში დაოჯახებისთვის კირჩხიბები, სასწორები და მორიელები. თუმცა, ამ შემთხვევაში მათ უმეტესობას, ასე თუ ისე, გამოსდის, ოჯახური სიმყარე შეინარჩუნოს, ძირითადად პარტნიორზე ძლიერი მიჯაჭვულობის გამო. მათთვის ასტროლოგებმა ოპტიმალურ ასაკად ქორწინებისთვის 25-28 წლის ზღვარი მოიაზრეს.
ადრეულ ასაკში შექმნილი ოჯახის შენარჩუნება ნაკლებად გამოსდით (მიუხედავად იმისა, რომ ისინი პატარა ასაკში ოჯახს ძალიან ხშირად ქმნიან!) ცეცხლის ნიშნებს – ანუ ლომებს, ვერძებსა და მშვილდოსნებს. მათი ცეცხლოვანი ტემპერამენტი 27 წლამდე მაინც საკმაოდ ცვალებადი და არაპროგნოზირებადია. ამიტომ სასურველია, ისინი ამ ასაკობრივ ზღვრამდე სამოქალაქო კავშირებით შემოიფარგლონ.
დაბოლოს, ყველაზე ნაკლებად ურჩევენ ადრეულ ასაკში ასტროლოგები ოჯახის შექმნას ტყუპს, მერწყულებსა და თევზებს. ყველა ეს ნიშანი ცვალებადობითა და ფასეულობათა სისტემის მუდმივი რყევით გამოირჩევა. ამიტომ მათთვის ოჯახის შექმნა და მყარი ურთიერთობების ალბათობა სასურველია მხოლოდ ოცდაათი წლის ზემოთ.