1. გერმანია
ეს ქვეყანა უცხოელ ახალგაზრდებს საშუალებას აძლევს, ადგილობრივ ახალგაზრდებში არაპოპულარულ, მაგრამ ქვეყნისთვის საჭირო სპეციალობებზე განათლება უფასოდ მიიღონ. აბიტურიენტისთვის აუცილებელი პირობა გერმანული ენის ცოდნაა. ყველაზე კარგი კი ისაა, რომ სწავლის დამთავრებისთანავე, სახელმწიფო თქვენი სპეციალობით სამუშაოს შემოგთავაზებთ.
2. დიდი ბრიტანეთი
ევროპის ზოგიერთი სახელმწიფო იმ სტუდენტებსა და კურსდამთავრებულებს, რომლებსაც სწავლის გაგრძელება სურთ, ფინანსურ დახმარებას თავაზობს. წელს ბრიტანული კავშირი მეცნიერებისა და ტექნიკის ეროვნულ საბჭოსთან ერთად, სამეცნიერო კვლევებისა და ტექნიკური განვითარების სფეროებში მუშაობის მსურველებს გრანტებს სთავაზობს. დიდი ბრიტანეთი ანალოგიურ პროგრამებს რეგულარულად ახორციელებს, სადაც კონკრეტულ პროგრამაში მონაწილე სტუდენტის ხარჯებს მთლიანად შესაბამისი ინსტიტუტი ფარავს.
3. ავსტრალია
ავსტრალიის მთავრობამ უცხოელი სტუდენტების ავსტრალიის უმაღლეს სასწავლებლებში სწავლის ხარჯები ავსტრალიელების აშშ-ში სწავლის ხარჯებს შეადარა და დაასკვნა, რომ პირველის დაფინანსება ურჩევნია. ეს კუნძულოვანი სახელმწიფო მსურველებს უმაღლეს განათლებას მეათედ ფასში სთავაზობს. ამის გარდა, უცხოელ სტუდენტებს არ მოუწევთ სასწავლებელში ჩარიცხვის, ბინაში ცხოვრების, კვებისა და საკანცელარიო ნივთების საფასურის გადახდა.
4. დანია
რამდენიმე წლის წინათ დანიამ უმაღლესი განათლების ისეთი სტრუქტურა შექმნა, რომელიც ზოგადი განათლების მქონე ნებისმიერ უცხოელ სტუდენტს აძლევს შანსს, დანიურ უმაღლეს სასწავლებელში ჩააბაროს. ამის გარდა, ქვეყანაში მოქმედებს უამრავი პროგრამა, რომელიც უცხოელ სტუდენტებს სტიპენდიებს სთავაზობს.
ამის შედეგად, 2013 წლიდან მოყოლებული, ქვეყანაში უცხოელი სტუდენტების რაოდენობა გაორმაგდა. მათთვის შეიქმნა სპეციალური საიტი Study in Denmark, სადაც განთავსებულია ყველა საჭირო ინფორმაცია. მათ შორის: მოთხოვნები აბიტურიენტებთან, შეთავაზებული კურსები და ა.შ.
5. ნიდერლანდები
უცხოეთში სწავლის გაგრძელების მსურველთათვის ნიდერლანდები შესანიშნავი ვარიანტია, რადგან უფასო უმაღლესი განათლების გარდა, ადგილობრივი უნივერსიტეტები უცხოელ სტუდენტებს სოლიდურ სტიპენდიებს სთავაზობენ. ნიდერლანდების განათლების, კულტურისა და მეცნიერების სამინისტროები და სამეცნიერო-კვლევითი ინსტიტუტები უცხოელ სტუდენტებს სტიპენდიებს Holland Scholarship-ის პროგრამით სთავაზობენ, რაც არცთუ მცირე თანხაა.