1. „პოლდარკი“/«Poldark» (2015)
რეჟისორი: ედვარდ ბეზელგეტტი, ჩარლზ პალმერი
როლებში: ელინორ ტომლინსონი, ეიდან ტერნერი, ხეიდა რიდი, კაილ სოლერი, რუბი ბენტალი, ჯეკ ფარტინგი
ბრიტანული ისტორიული სერიალი. სიუჟეტის ცენტრშია კაპიტანი როს პოლდარკი. ომიდან დაბრუნებული როსი აღმოაჩენს რომ მამის გარდაცვალების შემდეგ ის ოჯახის ერთადერთი წარმომადგენელია, ხოლო მისი შეყვარებული ელიზაბეტი მისავე ბიძაშვილს ფრენსისს მიჰყვება ცოლად.
2. „ჩრდილოეთი და სამხრეთი“/«North & South» (2004)
რეჟისორი: ბრაიან პერსივალი
როლებში: დანიელა დენბი-ეში, რიჩარდ არმიტიჯი, ტიმ პიგოტ-სმიტი, შინედ კიუსაკი, ლესლი მენვილი, ბრენდან კოილი
შეძლებულ ოჯახში გაზრდილი მარგარეტი იძულებულია, პრივილეგირებულ ცხოვრებას დაემშვიდობოს და ოჯახთან ერთად ჩრდილოეთში პატარა სამრეწველო ქალაქში გადავიდეს საცხოვრებლად. აქ ის გაიცნობს პროგრესულად მოაზროვნე ახალგაზრდა მამაკაცს, ბამბის ფაბრიკის მფლობელს ჯონ ტორნტონს. ორმხრივი სიძულვილი მალე საპირისპირო გრძნობაში გადაიზრდება და მათ თავდავიწყებით შეუყვარდებათ ერთმანეთი.
3. „დაუნტონის სააბატო“/«Downton Abbey» (2010-2015)
რეჟისორი: ჯულიან ფელოუზი, ბრაიან პერსივალი
როლებში: ხიუ ბონევილი, ჯიმ კარტერი, ფილის ლოგანი, ელიზაბეთ მაკგოვერნი, მეგი სმიტი, ლესლი ნიკოლი
ინგლისი, მე-20 საუკუნის დასაწყისი. გრაფ გრენტემის ტიტულისა და გვარის ერთადერთი გამგრძელებლის „ტიტანიკზე“ დაღუპვის შემდეგ მთელი ქონება უფროს ქალიშვილს უნდა გადაეცეს, მაგრამ გრაფი გადაწყვეტს, ტიტულიც, კაპიტალიც და მამულიც შორეულ, ყველასთვის უცნობ ნათესავს დაუტოვოს.
4. „თეთრი დედოფალი“/«White Queen» (2013)
რეჟისორი: კოლინ ტიგა, ჯეიმს კენტი
როლებში: რებეკა ფერგიუსონი, ამანდა ჰეილი, ანაირინ ბარნარდი, დევიდ ოაკესი, მაქს აირონსი
ეს არის ისტორიული დრამა, 3 ამბიციური, ძალაუფლებისთვის მებრძოლი ქალის ისტორია, რომლებიც ნებისმიერი გზით ცდილობენ, საწადელს მიაღწიონ. ესენი არიან ერთმანეთის დაუძინებელი მტრები - ელიზავეტა ვუდვილი, მარგარიტა ბოფორტი და ენ ნევილი.
5. „სიამაყე და ცრურწმენა“/„PRIDE AND PREJUDICE“ (1995)
რეჟისორი: სიმონ ლანგტონი
როლებში: ჯენიფერ ელი, კოლინ ფერტი, სიუზანა ჰარკერი, ელისონ სტედმენი, ბენჯამინ უიტროუ
ჯეინ ოსტინის რომანის კიდევ ერთი ეკრანიზება. ხუთი ქალიშვილის მამა ცდილობს, როგორმე გაათხოვოს თავისი გოგონები, რათა მათ მემკვიდრეობა მიიღონ. უცოლო ახალგაზრდა მისტერ ბინგლი და მისი მორიდებული მეგობარი დარსი მოიხიბლებიან ქალიშვილებით.
6. „კრენფორდი“/«Cranford» (2007-2009)
რეჟისორი: სტივ ჰადსონი, სიუ ბერტვისლი, სიუზი კონკლინი
როლებში: ჯუდი დენჩი, ჯულია მაკენზი, იმელდა სტონტონი, ლიზა დილონი, დებორა ფაინდლეი, ბარბარა ფლინი
ეს ბრიტანული დრამა ელიზაბეტ გასკელის წიგნის ეკრანიზაციაა. მოქმედება მიმდინარეობს მე-19 საუკუნის პირველ ნახევარში ინგლისის ერთ-ერთ პროვინციულ ქალაქში - კრენფორდში. ქალაქში ახალგაზრდა ექიმის გამოჩენა ადგილობრივებში დიდ ინტერესს იწვევს.
7. „ფორსაიტების საგა“/«The Forsyte Saga» (2002)
რეჟისორი: დევიდ მური, ენდი უილსონი, კრისტოფერ მენოლი
როლებში: დამიან ლიუისი, ჯინა მაკი, ამანდა რუტი, ელისტერ პეტრი, ჯილიან კირნი, რუპერტ გრეივზი
ჯონ გოლზუორთის წიგნის ეკრანიზაცია. ფორსაიტების დინასტიის ამბიციები, ცხოვრების წესი და ამპარტავნება - ეს რამდენიმე მიზეზია იმისა, რაც ამ დინასტიაში განქორწინებებს იწვევს.
8. „გამოიძახეთ მეანი ქალი“/«Call the midwife» (2012)
რეჟისორი: ჯეიმს ლარკინი,შერი ფოლკსონი, ტადეუს ო’სალივანი
როლებში: ვანესა რედგრეივი, ჯენი აგუტერი, ჰელენ ჯეორჯი, ლაურა მაინი, კლიფ პარიზი, ჯუდი პარფიტი
ინგლისი. 50-იანი წლები. სერიალის მთავარი გმირი ჯენიფერ ლი ბებია ქალად იწყებს მუშაობას ლონდონის ერთ-ერთ უღარიბეს რაიონში. მან თავისი სუსტი მხრებით ძალიან მძიმე ტვირთი უნდა ზიდოს.