7 სერიალი, რომლებიც 2020 წელსაც გაგრძელდება

კინო

3 აპრილი 18:00

მათ ახალ სეზონებს აღარავინ ელოდა, მაგრამ სერიალების შემქმნელები ზრუნავენ, რომ მაყურებელი საყვარელ პერსონაჟებს ისევ შეახვედრონ...

1. „სამეფო კარის თამაშები. გრძელი ღამე“


პრემიერა: 2020 წელს HBO-ზე
ჟანრი: ფენტეზი, დრამა
სცენარისტი: ჯეინ გოლდმანი
რეჟისორი: ს.ჯ. კლარკსონი
მსახიობები: ნაომი უოტსი, ჯოშ უაიტჰაუსი, დენის გოფი, ნაომი აკი, ჯეიმი კემპბელ ბაუერი, ივანო ჯერემაია, შეილა ატიმი, ალეკს შარპი, ჯორჯი ჰენლი, ტობი რეგბო.



საკულტო სერიალის „სამეფო კარის თამაშების“ ფინალური სეზონის პრემიერა 2019 წელს შედგება. 2020 წლისთვის კი სერიალის ფანებს საჩუქარი ელოდებათ - პირველი პრიკველი (წინაისტორია), სამუშაო სათაურით „სამეფო კარის თამაშები: გრძელი ღამე“. მიუხედავად იმისა, რომ ჯორჯ მარტინი აქტიურად მონაწილეობს ამ პროექტში, სიუჟეტში არ შევა რობერტ ბარათეონის ამბები, მაყურებელი შეიტყობს, როგორ იყო ვესტეროსი 8000 წლის წინათ. თუმცა „სამეფო კარის თამაშების“ სული შენარჩუნდება. მოსალოდნელია 5 სერიალი-განშოების გადაღება, რომელთა შორის იქნება პრიკველები, სპინოფები და ადაპტირებული ლიტერატურული მასალები. თითოეული მათგანის სცენარი, პრაქტიკულად, უკვე მზადაცაა.


2. „შერლოკი“. მეხუთე სეზონი


პრემიერა: 2020 წლის 1-ელ იანვარს ВВС-ზე
ჟანრი: დეტექტივი, დრამა
მსახიობები: ბენედიქტ კემბერბეტჩი, მარტინ ფრიმანი, უნა სტაბსი



როგორც კი სერიალის მორიგი სეზონი ჩამთავრდება, შერლოკ ჰოლმსის ისტორიების მოყვარულები იმ წუთიდანვე ელოდებიან ახალ სერიებს. ფანების საბედნიეროდ, 2020 წლის იანვარში ეკრანებზე გამოვა სერიალის ახალი სეზონი. ახალ ეპიზოდებში მაყურებელს კვლავაც მიეცემა შესაძლებლობა, ისიამოვნოს ბენედიქტ კემბერბეტჩისა (შერლოკ ჰოლმსი) და მარტინ ფრიმანის (დოქტორი ვატსონი) შესანიშნავი თამაშით. მთავარ გმირებს მოუწევთ, ერთი ძალიან რთული დანაშაული გახსნან.


სიუჟეტი დაფუძნებულია არტურ კონან დოილის ნაწარმოებებზე, მაგრამ მოქმედება ჩვენს დღეებში ვითარდება.


3. „ვიკინგები“. მეექვსე სეზონი


პრემიერა: 2019 წლის ბოლოს-2020 წლის დასაწყისში
ჟანრი: ბოევიკი, დრამა, მელოდრამა, სათავგადასავლო, საომარი, ისტორიული
რეჟისორი: კენ ჯიროტი, კირიან დონელი, ჯეფ ბულნაფი, კეტრინ ვინიკი
მსახიობები: ალექსანდრ ლუდვიგი, გუსტავ სკარსგარდი, კეტრინ უინიკი, ტრევის ფემელი, დანილა კოზლოვსკი



2019 წლის ბოლოს სტარტს აიღებს „ვიკინგების“ ფინალური სეზონი - ისტორია ვიკინგთა აჯანყების შესახებ რაგნარ ლოდბროკის მეთაურობით, რომელსაც მეფობა უნდა. ლეგენდის მიხედვით, ის ომისა და მეომართა ღმერთის - ოდინის შთამომავალია. ამ საკულტო სერიალის გადაღებებზე დანილა კოზლოვსკია მიწვეული, რომელიც წინასწარმეტყველი ოლეგის როლსაც ითამაშებს.


სერიალის შემქმნელების რწმუნებით, ამ დროისთვის მიმდინარეობს მოლაპარაკებები სპიოფის გადასაღებად. ასე რომ, ფანატები გულს ნუ გაიტეხენ, ფინალური სეზონის შემდეგ მათ არ მოუწევთ საყვარელ გმირებთან გამომშვიდობება.


4. „ბეჭდების მბრძანებელი“


პრემიერა: 2020 წლის დეკემბერში Amazon-ზე
ჟანრი: ფენტეზი, ბოევიკი, სათავგადასავლო
მსახიობები: ვიგო მორტენსენი



პირველ სეზონში (სულ 5 სეზონის გადაღებას აპირებენ) მოთხრობილი იქნება არაგორნის ცხოვრების იმ პერიოდზე, სანამ ის გაერთიანებული სამეფოს მმართველი გახდებოდა. დაემატება სიუჟეტის ახალი ხაზებიც, საიდანაც მაყურებელი შეიტყობს იმ მოვლენების წინაისტორიის შესახებ, რომლებიც ტრილოგიაში ვითარდება. ამბობენ, რომ ტელევერსიაზე პიტერ ჯეკსონიც იმუშავებს.


5. „კუდიანი“


პრემიერა: 2020 წელს
ჟანრი: ფენტეზი, ბოევიკი
სცენარი: ლორენ შმიდტ ჰისრიჰი
რეჟისორი: ტომეკ ბაგინსკი
მსახიობები: მიმდინარეობს ქასტინგი



ანჯეი საპკოვსკის ნაწარმოების მიხედვით გადაღებული სერიალის პრემიერის ზუსტი თარიღი ჯერჯერობით ცნობილი არ არის. თუმცა სიუჟეტის ზოგიერთი დეტალი უკვე გაცხადებულია. ფილმი მოგითხრობს მონსტრებზე მონადირე კუდიანზე, რომელსაც მუტაციის შედეგად ზებუნებრივი შესაძლებობები ეძლევა. გადაღებები აღმოსავლეთ ევროპის ქვეყნებშია დაგეგმილი და 2019 წლის დასაწყისში დაიწყო.


6. „დაცვა“. მეორე სეზონი


პრემიერა: 2020 წელს ВВС-ზე
ჟანრი: ბოევიკი, , ფსიქოლოგიური თრილერი, დრამა
რეჟისორი: ჯონ სტრიკლენდი, ტომას ვინსენტი
მსახიობები: პიპა ჰეივუდი, ნიკოლას გლივსი, ვინსენტ ფრანკლინი, კლერ-ლუის კორდუელი, ტომ ბრუკი, ჯინა მაკი, კიკი ჰოუზი, სტეფანი ჰაიამი, სტიუარდ ბოუმანი, რიჩარი, მედენი და სხვები



„დაცვის“ შემოქმედთა ჯგუფს არც უფიქრია მეორე სეზონის გადაღებაზე. სერიალმა კი მაყურებელთა დიდი მოწონება დაიმსახურა და ამიტომაც უკვე დაიწყეს მომდევნო სეზონზე მუშაობა. სერიალი მოგვითხრობს ავღანეთის ომის ვეტერანზე, რომელსაც დიდი ბრიტანეთის ხელისუფლება დაიქირავებს. ახალ სერიებში მთავარი გმირი არკვევს, ვინ არის დამნაშავე შინაგან საქმეთა მინისტრის ჯული მენტეგიუს სიკვდილში. ამ დროისთვის გადაწყვეტილია, რომ მხოლოდ 6 სერიას გადაიღებენ, თითოეულს 60-წუთიანი ხანგრძლივობით.


7. „დოქტორი „WHO“. მე-12 სეზონი


პრემიერა: 2020 წლის დასაწყისში ВВС-ზე
ჟანრი: სამეცნიერო ფანტასტიკა, დრამა
სცენარისტი: კრის ჩიბნელი
მსახიობები: ჯოდი უიტაკერი, ბრედლი უოლში, ტოცინ კოული, მანდიპ გილი



2019 წლის გაზაფხულზე სტარტს აიღებს „დოქტორი „WHO“-ს მე-12 სეზონი. სიუჟეტის მიხედვით, მთავარი როლს შემსრულებელი ჯოდი უიტაკერი, გრეთან, რაიანთან და იასმინთან ერთად, სამყაროს გადასარჩენად მოგზაურობს. მათ კომპანიონობას გაუწევს დოქტორის ახალი ფავორიტი - ფისო, სახელად პერსი.

წყარო
კულინარია

კატლეტი კომბოსტოთი - გემრიელი და ნაკლებკალორიული

ეს კატლეტი იმასაც მოეწონება, ვინც ფიგურას უფრთხილდება.
დღის ჰოროსკოპი

16 ივნისის ასტროლოგიური პროგნოზი

რას გვირჩევენ ვარსკვლავები 16 ივნისისთვის ჯანმრთელობის, ბიზნესისა და სიყვარულის მიმართულებით?
საკნატუნო ამბები

არასტანდარტული აზროვნებით „გამორჩეულები“

ალბათ თქვენც დაგვეთანხმებით, რომ არასტანდარტული აზროვნება და კრეატიულობა სულ სხვა რამაა და არა ის, რაც ამ ფოტოებზეა... 
ამბები

როგორ შევქმნათ ბიზნესმოდელი ანუ როგორ ვმართოთ კომპანია

ინტერვიუ „ჯეპრას“ კონსულტანტ მანჩო ონიაშვილთან.
დღის ჰოროსკოპი

15 ივნისის ასტროლოგიური პროგნოზი

რას გვირჩევენ ვარსკვლავები 15 ივნისისთვის ჯანმრთელობის, ბიზნესისა და სიყვარულის მიმართულებით?
კინო

5 ფილმი მხოლოდ ქალებისთვის

თუ მათგან რომელიმეს ნახვას გადაწყვეტთ, აუცილებლად მარტომ უყურეთ.
დღის ჰოროსკოპი

14 ივნისის ასტროლოგიური პროგნოზი

რას გვირჩევენ ვარსკვლავები 14 ივნისისთვის ჯანმრთელობის, ბიზნესისა და სიყვარულის მიმართულებით?
იცით თუ არა...

Just do it - რა იმალება „ნაიკის“ ამ ლეგენდარული სლოგანის უკან?

როგორ დაიბადა ფრაზა Just do it (უბრალოდ გააკეთე), რომელმაც NIKE მსოფლიო ლიდერად აქცია - ამის შესახებ ჰყვება დენ ვიდენი, სარეკლამო კომპანიის თანამფლობელი, რომელმაც ეს სიტყვები სლოგანად შესთავაზა „ნაიკს“ 1988 წელს. 
კულინარია

ყაბაყი უნგრულად - პიკანტური და მდიდარი არომატი

ამ კერძისთვის საჭირო ინგრედიენტები სახლში ყოველთვის მოიძებნება, თანაც რაც არ უნდა „ეცადოთ“, ეს კერძი უგემური მაინც არ გამოგივათ.
ამბები

Volvo Cars-მა და Varjo-მ ავტომობილების განვითარებისთვის პირველი „შერეული რეალობის“ აპლიკაცია გამოუშვეს

Volvo Cars-ის და Varjo-ს (ვირტუალური რეალობის აღსაქმელი მოწყობილობების მწარმოებელი ფინური კომპანია) თანამშრომლობით შეიქმნა მსოფლიოში პირველი შერეული რეალობის მოწყობილობა, უსაფრთხოების ტექნოლოგიების გაუმჯობესების მიზნით.
დღის ჰოროსკოპი

13 ივნისის ასტროლოგიური პროგნოზი

რას გვირჩევენ ვარსკვლავები 13 ივნისისთვის ჯანმრთელობის, ბიზნესისა და სიყვარულის მიმართულებით?
კინო

ულამაზესი ანჯელინა ჯოლის 15 განსაცვიფრებელი როლი

უნდა ვაღიაროთ, რომ ანჯელინას გარეშე ამ ფილმებიდან არცერთი არ იქნებოდა ასეთი საინტერესო და ამაღელვებელი.