შემადგენლობა:
ბულგარული წიწაკა - 1 კგ.
პომიდორი - 700 გრ.
ხახვი - 250 გრ.
სტაფილო - 300 გრ.
ოხრახუში - 40 გრ.
ზეთი - 1 ჭიქა,
მარილი - 25 გრ.
ძმარი - 1-2 ს/კ.
სურნელოვანი პილპილი - 5 მარცვალი
მომზადების წესი:
1. ბულგარული წიწაკა კარგად გარეცხეთ, თესლი ამოაცალეთ და თუშფალანგზე დატოვეთ, რათა წყლისგან დაიწრიტოს.
2. წვრილად დაჭრილი (ან გახეხილი) სტაფილო და ხახვი ზეთში ცალ-ცალკე მოშუშეთ.
3. პომიდორი ბლენდერში დაატრიალეთ. თუ ბლენდერი არ გაქვთ, პომიდორს კანი გააცალეთ და მსხვილ სახეხზე ან თუშფალანგზე გახეხეთ. ტომატი 15-20 წუთი ადუღეთ. შემდეგ დაამატეთ მარილი, ძმარი, წვრილად დაჭრილი ოხრახუში, სურნელოვანი წიწაკა და კიდევ 10 წუთი ხარშეთ.
4. ზეთი რამდენიმე წუთი ადუღეთ. შემდეგ ცეცხლიდან გადმოდგით, 70 გრადუსამდე გააგრილეთ და წინასწარ გამზადებულ სუფთა ქილებში ჩაასხით (1-ლიტრიან ქილაში 2 ს/კ).
5. ფარშისთვის გამზადებული ბოსტნეული და მარილი კარგად აურიეთ და ამ მასით ბულგარული წიწაკები გამოტენეთ. ფარშირებული წიწაკები ქილებში ჩააწყვეთ და სანელებლებით შეზავებული, ცხელი ტომატი დაასხით.
6. ქილები მდუღარე წყალში გაასტერილეთ. ნახევარლიტრიანი - 55 წთ. ლიტრიანი - 65 წთ.
