მეცნიერები ამტკიცებენ, რომ სიზმრებში არანაირი საიდუმლო არ დევს. სიზმარი ძილში მხოლოდ რეალურ მოგონებებს აცოცხლებს.
სიზმარს ნებისმიერი ადამიანი ხედავს. უბრალოდ, შესაძლოა, სიზმარი არ დაამახსოვრდეს.
სიზმრად მხოლოდ იმ ადამიანებს ვნახულობთ, ვინც ცხოვრებაში ნანახი გვყავს. შესაძლოა,
არ ვიცნობდეთ და არ გვახსოვდეს, მაგრამ ისინი სადღაც გვინახავს.
გაღვიძებიდან 5 წუთის განმავლობაში, ადამიანს ნანახი სიზმრის მხოლოდ ნახევარი ახსოვს.
5 წუთის შემდეგ კი - სიზმრის მეათედი ნაწილი.
ადამიანების დაახლოებით 12% შავ-თეთრ სიზმრებს ხედავს. მათ შორის, ვინც 25 წელზე ნაკლებია,
ეს მაჩვენებელი კიდევ უფრო დაბალია - 4,4%.
ფერადი სიზმრების მნახველების რაოდენობა ყოველდღიურად იმატებს.
მეცნიერები დარწმუნებულები არიან, რომ ეს შავ-თეთრიდან ფერად ეკრანზე გადასვლას უკავშირდება.
სიზმრის ნახვა სიმბოლურია. თუკი თქვენ დაჟინებით ოცნებობთ რამეზე,
სიზმარში აუცილებლად მოგეცემათ ნიშანი.
ხშირად სიზმარი უარყოფით ემოციებს იწვევს, ვიდრე დადებითს.
ძილში ყველაზე პოპულარული ემოციური მდგომარეობა შფოთვაა.
სიზმარზე, შესაძლოა, გარე ფაქტორებმაც იქონიოს გავლენა. მაგალითად,
თქვენი კედლის მეზობლის სიმღერამ, დიდი შანსია, სიზმარში საკონცერტო დარბაზში გადაგიყვანოთ.
სიზმრებს ცხოველებიც ხედავენ.