ცეკვის გაკვეთილი
ამ დროს შეგიძლიათ, ქალს იმდენჯერ შეეხოთ, რამდენჯერაც გაგიხარდებათ, თანაც, სრულიად უდანაშაულო სახით. ჩართეთ ლათინოამერიკული მელოდია, რადგან ფიზიკური აქტივობის დროს გამოიყოფა სიხარულის ენდორფინები. ასე რომ, როგორც კი მუსიკა გაჩერდება, ხოლო გაკვეთილი დასრულდება, დარწმუნებული იყავით, რომ თქვენს „მოსწავლეს“ აუცილებლად მოუნდება ფიზიკური აქტივობის გაგრძელება.
ღვინის ბარში სტუმრობა
თუკი კეთილსინდისიერი ადამიანი ხართ და აზრადაც კი არასდროს მოგივათ, გოგოს თავგზა ალკოჰოლის საშუალებით აუბნიოთ, დაპატიჟეთ ის უბრალოდ ღვინის ბარში. ჯერ ერთი, ეს მომხიბვლელი ჟესტია. მეორეც, 2009 წელს მეცნიერებმა ჩაატარეს კვლევა, რომლის თანახმადაც, ქალებს, რომლებიც წითელ ღვინოს მიირთმევენ, უფრო ხშირად აქვთ სექსი, ვიდრე მათ, ვინც უპირატესობას კოქტეილებს ანიჭებს. ასე რომ, მიირთვით ბევრი წითელი ღვინო და...
შეხვედრა სხვა წყვილთან
ამ დროს ყველაზე მთავარია, სწორად შეარჩიოთ წყვილი. გაითვალისწინეთ, რომ ამგვარი შეხვედრის დროს აუცილებელია, წყვილი იყოს ახალგაზრდა, ახლად შეყვარებული. რა თქმა უნდა, ამ დროს არ გესიამოვნებათ იმის ყურება, როგორ ეკურკურებიან შეყვარებულები ერთმანეთს და როგორ დადიან ჩახუტებულები. სამაგიეროდ, თქვენი მეგობარი გოგოსთვის ამგვარი სცენების ყურება სასარგებლოა: მასაც გაუჩნდება გვერდში მყოფის ჩახუტების სურვილი და თქვენც გაგიმართლებთ.
ხანგრძლივი შეხვედრა დასვენების დღეებში
შესთავაზეთ საყვარელ ადამიანს უიქენდზე ქალაქგარეთ დასვენება და სასტუმროში ჯენტლმენურად დაჯავშნეთ გვერდიგვერდ ორი ოთახი. რამდენიმე საათი ერთად ყოფნა და ლამაზი ხედები მას იმდენად მოხიბლავს, რომ ღამით თავად მოგიკაკუნებთ კარზე.