მეცნიერების მტკიცებით, უძილობის მიზეზი შესაძლოა, დიეტაც იყოს.
კოფეინი
კოფეინი რომ აფხიზლებს, ყველამ იცის, მაგრამ ხშირად მას გაუცნობიერებლადაც ვიღებთ, რადგან კოფეინს შეიცავს არა მხოლოდ ყავა, არამედ ჩაიც, გაზირებული სასმელიც, წამლებიც და სხვადასხვა დანამატებიც. ასე რომ, შესაძლოა, კოფეინს იღებთ და ამის შესახებ არ იცით.
ალკოჰოლი
ადამიანებმა, რომელთაც დაძინება უჭირთ, უმჯობესია, უარი თქვან ალკოჰოლის მიღებაზე საღამოს საათებში. კვლევებმა დაადასტურა, რომ ღამით მიღებული ალკოჰოლი ხშირად გაღვიძებას იწვევს. იმ შემთხვევაშიც, თუკი სრულიად ჯანმრთელი ხართ, ექიმების რჩევით, სასურველია, დაძინებამდე ორი საათით ადრე მხოლოდ ერთი ბოკალი ღვინით შემოიფარგლოთ.
სითხე
ცუდი ძილის ერთ-ერთი მიზეზი დიდი რაოდენობით მიღებული სხვადასხვა სითხეა, რადგან ხშირად გვიწევს ღამე გაღვიძება ტუალეტისთვის.
ფერმენტირებული საკვები
ამგვარი საკვები დიდი რაოდენობით ამინომჟავა ტირამინს შეიცავს, რომელიც თავის ტვინის აქტივობას ასტიმულირებს. ამ ფონზე კი დაძინებას ნამდვილად ვერ მოახერხებთ.
მჟავე პროდუქტები
მაღალი მჟავიანობის შემცველი და სანელებლებით გაჯერებული საკვები იწვევს გულძმარვასა და დისკომფორტს ღამის განმავლობაში. პროდუქტები, რომლებშიც მჟავიანობა მაღალია, სასურველია, დაძინებამდე, მინიმუმ, სამი საათით ადრე მიიღოთ.