მარიამ ჯანჯღავა - ვისთან სურს დუეტი „X ფაქტორის“ უნიჭიერეს კონკურსანტს?

-რატომ გადაწყვიტე X ფაქტორში მონაწილეობა?
- მეგობართა უზარმაზარმა არმიამ გადამაწყვეტინა.

- გაქვს თუ არა მუსიკალური განათლება?
- მხოლოდ მესამე კლასამდე დავდიოდი ფორტეპიანოზე.

- მომავალი პროფესია:
- სიმღერა ჩემთვის ყველაფერია. ისე ბევრი რამ მომწონს, ჟურნალისტიკაც, მსახიობობაც, თუმცა ჩაბარებას იურიდიულ ფაკულტეტზე ვაპირებ.

- რას ელოდები X ფაქტორისგან?
- პოპულარობას და გამარჯვებას.

- რამდენად მოულოდნელი იყო ჟიურის შეფასებები?
- პირველ ტურში ისეთი სიმღერა ვიმღერე, დარბაზის აყოლიებას დიდად ვერ მოვახერხებდი. დარბაზის რეაქცია ჟიურიზეცაა თითქოს დამოკიდებული და ძალიან ვნერვიულობდი. მაგრამ ძალიან კარგი შეფასებები მივიღე ჟიურისგან - ალბათ, იმიტომ, რომ კარგად ვიმღერე.

- რომელ მუსიკალურ სტილს ანიჭებ უპირატესობას?
- პოპს.

- საყვარელი სიმღერა:
- უამრავი სიმღერა მიყვარს.

- საყვარელი ქართველი/უცხოელი მომღერალი:
- ქართველებიდან ნინო ქათამაძეზე და ირაკლი ჩარკვიანზე ვგიჟდები, უცხოელებიდან ჯესი ჯეი, ბიონსე, რიანა, ფინქი მიყვარს.

- ვისთან ერთად  ჩაწერდი დუეტს:
- ალბათ, ჯესისთან ერთად.

- რა არის მთავარი მომღერლისთვის?
- კარგი ვოკალური მონაცემების გარდა, საინტერესო იმიჯი უნდა ჰქონდეს, ალბათ.

- როდის იტყვი, რომ წარმატებული მომღერალი ხარ?
- როცა ძალიან პოპულარული ვიქნები, მაშინ.