კვების ასეთი რაციონით 3 დღის განმავლობაში 5 კილოგრამს დაიკლებთ. ეს პროდუქტები ამცირებს მეტაბოლიზმს და ხელს უწყობს ცხიმის სწრაფად წვას.
რა უნდა გაითვალისწინოთ დიეტის დროს:
- სასურველია, დღის მანძილზე მიიღოთ 2 ლიტრამდე წყალი;
- იმ შემთხვევაში, თუკი იგრძნობთ, რომ სამჯერადი კვება თქვენთვის არადამაკმაყოფილებელია, საუზმესა და ვახშამს შორის შეგიძლიათ, მიირთვათ მაწონი ან დაბალპროცენტიანი კეფირი. ოღონდ გაითვალისწინეთ, რომ ეს მხოლოდ გამონაკლისი შემთხვევის დროს.
- დღის მანძილზე ულუფები ზუსტად ისე უნდა მიიღოთ, როგორც დიეტაშია აღწერილი. წინააღმდეგ შემთხვევაში, დიეტის ავტორები შედეგზე გარანტიას არ იძლევიან.
პირველი დღე:
საუზმე: შავი ყავა ან ჩაი, ნახევარი გრეიფრუტი ან ფორთოხალი და დატოსტერებული პური არაქისის კარაქით.
სადილი: თინუსის სალათი შეზავებული ზეითუნის ზეთით და 1 ჭიქა უშაქრო ყავა ან ჩაი.
ვახშამი: 100 გრამი ქათმის ხორცი, სალათის ფურცლებთან ერთად. 100 გრამი გახეხილი სტაფილო და ერთი ცალი ვაშლი.
მეორე დღე:
საუზმე: 2 ცალი მოხარშული კვერცხი, 1 ნაჭერი ტოსტერში გახუხული პური. მოგვიანებით ნახევარი ბანანი და უშაქრო ყავა ან ჩაი.
სადილი: 100 გრამი წყალზე მოთუშული ბოსტნეული და 100 გრამი დაბალცხიმიანი ხაჭო.
ვახშამი: 100 გრამი მოხარშული ძროხის ხორცი, 50 გრამი ბროკოლი, 50 გრამი სტაფილო და ნახევარი ბანანი.
მესამე დღე:
საუზმე: 30 გრამი ნაკლებცხიმიანი ყველი, 1 ნაჭერი ტოსტერში გახუხული პური, უშაქრო ყავა ან ჩაი და ერთი ცალი ვაშლი.
სადილი: დაჭრილ კომბოსტოსა და გახეხილ სტაფილოს დაუმატეთ დაკონსერვებული თინუსი და შეაზევეთ ზეითუნის ზეთით ან ლიმონის წვენით.
ვახშამი: 2 ცალი მოხარშული კვერცხი და 1 ნაჭერი ტოსტერში გახუხული პური.
თუკი სამდღიანი დიეტის დასრულების შემდეგ ძველებური რეჟიმით გააგრძელებთ კვებას, დაკლებული კილოგრამები აუცილებლად უკან დაგიბრუნდებათ. ეცადეთ, მცირე პაუზის შემდეგ, კარგად დაბალანსებული დიეტა დაიცვათ, რომელშიც მრავალფეროვანი პროდუქტები შედის და არ დაგავიწყდეთ, აკონტროლეთ დღის მანძილზე მიღებული კალორიების რაოდენობა.